جاڭا جىل مەرەكەسى قارساڭىندا الماتى قالاسىنىڭ تۇرعىنى مايساروۆا مەديناعا ەلباسىنىڭ اتىنان مەرەكەلىك سىي تابىستالدى دەپ حابارلايدى Qamshy.kz اقپارات اگەنتتىگى Almaty.tv-عا سىلتەمە بەرىپ. وسىدان تۋرا 1 اي بۇرىن 5ء-شى سىنىپ وقۋشىسى پرەزيدەنتكە حات جازىپ، كۇشىك سۇراعان ەكەن. مەملەكەت باسشىسى ءبۇلدىرشىننىڭ ارمانىن اياقسىز قالدىرمادى. ەلباسىنىڭ اتىنان اسىل تۇقىمدى كۇشىكتى تۋرا جاڭا جىل قارساڭىندا مەدينانىڭ وزىنە مەدەۋ اۋدانىنىڭ اكىمدىگى تارتۋ ەتتى.
«1 اي بۇرىن مەن پرەزيدەنتكە حات جازدىم. ءوزىمنىڭ كۇشىگىم بولسا ەكەن دەپ بۇرىننان ارماندايتىنمىن. ال انام ۇنەمى قارسى بولاتىن. ماعان سۇپ-سۇيكىمدى كۇشىكتى سىيلاعان كەزدە، قۋانىشىمدا شەك بولمادى. باستاپقىدا تاڭ قالدىم، وسىنداي دا بولادى ەكەن دەپ. ءوزىم سياقتى بالالارعا ايتارىم، ۇمىتتەرىڭ ۇزىلمەسىن، ارماندار ورىندالادى ەكەن»، - دەدى مەدينا مايساروۆا.
