الماتىداعى "نۇر مۇباراك" ۋنيۆەرسيتەتىندە قىزمەت ەتىپ جۇرگەن ريزابەك باتتال ۇلى ۋاعىزدارىنىڭ بىرىندە ايەلدەرگە قول كوتەرۋ تۋراسىندا ايتتى، دەپ جازادى Qamshy.kz اقپارات اگەنتتىگى.

ريزابەك باتتال ۇلىنىڭ ايتۋىنشا، شاريعات بويىنشا ايەلدى ۇرۋعا رۇقسات بەرىلگەن. ول ەر ازاماتتارعا ايتقانعا كونبەگەن ايەلدەردى قالاي دۇرىس ۇرۋعا بولاتىنىن ءتۇسىندىردى. باتتال ۇلىنىڭ ايتقان ۋاعىزىنىڭ ۆيدەوسى الەۋمەتتىك جەلىدە تارادى.

«پايعامبارىمىز ۇيلەرىڭدە قامشى ءىلۋلى تۇرسىن دەگەن. اتا-بابالارىمىزدىڭ تورگە قامشى ءىلىپ قوياتىن بولعان. ايەل ول قامشىدان سەسكەنىپ جۇرەدى. «ليەۆىي-پراۆىي» كەتتى مە، ول قامشىنىڭ تيەتىنىن بىلەدى. اتالارىمىز كيىمنىڭ سىرتىنان وسىپ جىبەرەتىن بولعان. جونىڭنان تاسپا تىلەم دەگەن سودان شىققان. قايىستىڭ ۇشى تيسە، جورعالاپ كەتەسىڭ سەن. پايعامبارىمىزدىڭ ول جايلى ءحاديسى دە بار. ەگەر ناسيحاتىڭدى تىڭداماسا، سەندەرگە جاراقات سالمايتىن دەڭگەيدە ۇرۋعا رۇقسات ەتىلەدى دەگەن. شاريعات بويىنشا بەتتەن ۇرۋعا بولمايدى. ءبىراق جەلكەسىنەن قىسىپ قويساڭ بولادى"، — دەپ ءتۇسىندىردى ريزابەك باتتال ۇلى.

"بوستىق قىلىپ، شەكتەن شىعارىپ الساق، قۇدايدىڭ الدىندا جاۋاپ بەرەمىز. قاتىگەزدىك تانىتىپ، ءبىر جەرىن سىندىرىپ الساق تا جاۋاپتى بولامىز»، — دەيدى.

ۆيدەونى مىنا سىلتەمەگە ءوتىپ كورە الاسىزدار.