ەلباسى نۇرسۇلتان نازاربايەۆ حالىقارالىق مامانداندىرىلعان EXPO-2017 كورمەسىنىڭ كومميسارى قىزمەتىن اتقارعان ءراپىل جوشىبايەۆتى قىزمەتىنەن بوساتتى دەپ حابارلايدى Qamshy.kz اقپارات اگەنتتىگى.
ايتا كەتەيىك، ءراپىل جوشىبايەۆ 2013 جىلى مەملەكەت باسشىسىنىڭ جارلىعىمەن ەكسپو-2017 حالىقارالىق مامانداندىرىلعان كورمەسىنىڭ كوميسسارى بولىپ تاعايىندالعان.
1993 جىلى قازاقستان رەسپۋبليكاسى سىرتقى ىستەر مينيسترلىگىنىڭ حالىقارالىق ەكونوميكالىق قاتىناستار باسقارماسىنىڭ ءۇشىنشى حاتشىسى، ەكىنشى حاتشىسى. 1996 جىلدان – قازاقستان رەسپۋبليكاسى سىرتقى ىستەر مينيسترلىگى تمد دەپارتامەنتىنىڭ ءبولىم باستىعى بولدى.
1998 جىلدان – قازاقستان رەسپۋبليكاسىنىڭ بالتىق ەلدەرىندەگى ەلشىلىگىنىڭ ءبىرىنشى حاتشىسى، كەڭەسشىسى.
2000 جىلدىڭ تامىزىنان – قازاقستان رەسپۋبليكاسى پرەزيدەنتىنىڭ پروتوكول قىزمەتى باستىعىنىڭ ورىنباسارى.
2003 جىلدىڭ شىلدەسىنەن – قازاقستان رەسپۋبليكاسى پرەزيدەنتى اكىمشىلىگىنىڭ كونفەسسياارالىق قاتىناستار جونىندەگى ءبولىمىنىڭ مەڭگەرۋشىسى.
2004 جىلدىڭ قازانىنان قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى.
2007 جىلدىڭ قازان ايىنان 2013 جىلدىڭ مامىر ايىنا دەيىن - قازاقستان رەسپۋبليكاسى سىرتقى ىستەر مينيسترلىگىنىڭ جاۋاپتى حاتشىسى. 2011 جىلى استانا قالاسىندا ەكسپو-2017 حالىقارالىق مامانداندىرىلعان كورمەسىن وتكىزۋ قۇقىعىنا ءوتىنىمىن جىلجىتۋ جانە ىلگەرىلەتۋ جونىندەگى ۇلتتىق ۇيلەستىرۋشى بولىپ تاعايىندالعان. 2013 جىلدىڭ 24 مامىر كۇنى ەلباسىنىڭ وكىمىمەن قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى بولىپ تاعايىندالدى.
