"قازاقكونسەرت" ونەر بىرلەستىگىنىڭ باس ديرەكتورى اسحات ماەميروۆ ەرلان ءبىلالدى قورعاپ ينستاگرام پاراقشاسىنا جازبا قالدىردى، دەپ حابارلايدى Qamshy.kz اقپارات اگەنتتىگى.
"ەرلان ءبىلال - بەلگىلى تەاتر جانە كينو اكتەرى، ونەرىمەن، ءوزىنىڭ ازاماتتىق تۇلعاسىمەن ساڭلاق اعالارىمىز بەن اپالارىمىزدى تامساندىرىپ، زامانداستارى مەن دوستارىن، ءىنى-قارىنداستارىن مويىنداتقان، تەاتردىڭ انالارىنىڭ اق باتاسىن العان جانى دا، ارى دا تازا ازامات! ساxنا مەن ەكراننىڭ ءسانى بولعان ەرلاننىڭ سىمباتى مەن ۇنىنە، سومداعان بەينەلەرىنە ۇلتى ۇيىدى، ەلى ەلتىدى، كورەرمەنى تەبىرەندى. قانداي بەينەلەر ەدى؟! سىرىم، كەبەك، قوزى، الىبەك، ۇكىلى ىبىراي، بالۋان شولاق، حاكىم اباي، مۇقاعالي، ءشامشى - بۇلاردىڭ بارلىعى ەرلان ءبىلالدىڭ تەك اكتەر ەمەس، ادامي ماxابباتى مەن جانىنىڭ ءبىر بولشەگىنە اينالىپ كەتتى. ولاي بولاتىن ءجونى دە بار. اجەنىڭ ءالديىن تىڭداپ وسكەن، اكەنىڭ تاعىلىمىن بويىنا سىڭىرگەن، انانىڭ اق ءسۇتىن ەمگەن ادال ۇل - ەرلاننىڭ وزەگى مىقتى، تامىرى تەكتى. تاۋەلسىز قازاقستاننىڭ اكتەرلىك ونەرىندە قۇبىلىس ىسپەتتەس ەرلان ءبىلال جيىرما التى جىلدىڭ ىشىندە ءوزىنىڭ شىعارماشىلىعىمەن، سومداعان xالىقتىق كەيىپكەرلەرىمەن - ۇلتتىق رۋxتىڭ xرەستوماتياسىن جازىستى. ومىرلىك سەرىگى مايگۇل ەكەۋى ۇلىقتى ۇلدار مەن قىلىقتى قىز تاربيەلەپ وتىرعان ونەگەلى وتباسىنىڭ يەسى. نەمەرە ءسۇيىپ وتىرعان ارداقتى اتا. بىلالوۆتەر وتباسىندا كەرەمەت ۇيلەسىم بار. ونى دوستارى رەتىندە ءوز كوزىمىزبەن كورىپ، كۋا بولىپ تا ءجۇرمىز"، - دەدى ول.
اسحات ماەميروۆ ءبىلالدى بىرەۋ اياقتان شالۋى مۇمكىن ەكەنىن ايتتى.
"ازاماتتىڭ باسىنا سىن ساعات تۇسكەندە تابالاماعان، داتتاماعان، كۇستانالاماعان xالىقتىڭ پەرزەنتى ەدىك. ەرلاننىڭ ابىرويى - ونەردە جۇرگەن زامانداس، قۇرداس، دوس-باۋىر ءبارىمىزدىڭ ابىرويىمىز! ابىرويىمىزعا اسىعىس پىكىر ايتىپ، لاس جاقپايىق دەگىم كەلەدى. ۇيىپ وتىرعان ۇجىمىن شۋلاتىپ، شاڭىراعىن جىلاتىپ "مىگىتتىڭ" ءىسىن جاساعان كىسىنىڭ كىم ەكەنىن بىلمەيمىن! تانىعىم دا كەلمەيدى! ەرلاندى ورعا جىققىسى كەلگەن پەندەنىڭ دە اللادان الاتىن جازاسى بار! ازاماتتى اياعىنان شالۋ - ۇلتتى وسىرمەيدى! ومىردە ەشكىمگە جاماندىق ويلامايتىن ەرلاندى ءدال قازىرگى ساتتە جىگەرلەندىرگىم كەلەدى. باسىڭا بۇلت ۇيىرىلگەن وسى ساتتە، سەنى قورعاماساق - ءبىزدىڭ كىم بولعانىمىز! جەر باسىپ جۇرگەن پەندەلەر - ادام تاعدىرى ويىنشىققا اينالماۋى ءتيىس! تابالايتىن دا تابىلار، كۇلەتىندەر دە تابىلار! بىرەۋگە جاماندىق تىلەۋ - جاقسىلىققا اپارمايدى! ەرتەڭ الدىنان نە كۇتىپ تۇرعانىن ەشكىم دە بىلمەيدى. تەك ونەر الەمىندە عانا ەمەس، ءبىزدىڭ قازاق قوعامىندا مەيىرىم مەن ادامي ماxاببات سالتانات قۇرسا ەكەن، ىلايىم! مەيىرىمدى بولايىقشى، ءبارىمىز! ەرلان - قازاقتىڭ اسىل ازاماتى!" - دەپ جازدى ماەميروۆ.
ەستەرىڭىزگە سالايىق، مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى ەرلان ءبىلال 1،5 ميلليون تەڭگە پارا الماق بولدى دەپ ايىپتالىپ جاتىر.
