وتكەن جىلى قازاقستاننىڭ كىتاپ قورى ەكى سۇبەلى ەڭبەكپەن تولىقتى. «ورحون» باسپا ءۇيىنىڭ مۇرىندىق بولۋىمەن ۆەتنام مەملەكەتىنىڭ ۇلى قايراتكەرى حو شي ءميننىڭ ءومىرباياندىق تۋىندىسى مەن پاكىستاندىق زەرتتەۋشى عالىم يشتياق قۇسايىن قۇرەشيدىڭ «پاكىستان ءۇشىن كۇرەس» كىتابى قازاق تىلىنە اۋدارىلدى. بۇل ەكى كىتاپتى جارىق كورۋىنە ۆەتنام سوسياليستىك رەسپۋبليكاسى مەن پاكىستان يسلام رەسپۋبليكاسىنىڭ قازاقستانداعى ەلشىلىكتەرى جان-جاقتى قولداۋ كورسەتتى دەپ حابارلايدى Qamshy.kz اقپارات اگەنتتىگى.
بۇل تۋىندىلاردىڭ باستى ەرەكشەلىگى – اتالعان ەڭبەكتەر قازاق تىلىنە اعىلشىن تىلىنەن تىكەلەي ءتارجىمالانعان. شەتەلدىك جادىگەرلەردىڭ قازاقشاعا اۋدارعان بەلگىلى شىعىستانۋشى، ءتىل مامانى – الماس ءماسالىم. ونىڭ ايتۋىنشا ءار كىتاپتى اۋدارۋعا شامامەن توعىز ايداي ۋاقىت جۇمسالعان. «وقىرمانعا جەڭىل بولۋ ءۇشىن، بارىنشا جاتىڭقى ەتىپ اۋداردىق. حو شي مين تۋرالى كىتاپتا قازاقشا ءماتىن مەن اعىلشىنشا ءماتىن قاتار بەرىلگەن. ەكەۋىن سالىستىرىپ وقۋعا مۇمكىندىك بار. سونداي-اق ۆەتنام ۇلت-ازاتتىق قوزعالىسى كوشباسشىسىنىڭ ءار جىلدارى تۇسكەن فوتولارى دا قوسا بەرىلدى. ال، «پاكىستان ءۇشىن كۇرەس» كىتابىندا 19-20 عاسىرلارداعى وڭتۇستىك ازيا سۋبكونتينەنتىندە ورىن العان ساياسي وقيعالار، ونىڭ ىشىندە مۇسىلمان قاۋىمىنىڭ جەكە تاۋەلسىز پاكىستان مەملەكەتىن قۇرۋ جولىنداعى كۇرەسى باياندالادى» دەيدى ا.ءماسالىم.
«ورحون» باسپا ءۇيى وسى باعىتتاعى جۇمىستاردى ارى قاراي جالعاستىرىپ، الداعى جىلى تاعى دا ءبىرقاتار حالىقارالىق ەڭبەكتەردى قازاق تىلىنە اۋدارۋدى جوسپارلاپ وتىر.
