ەندى شىعىس قازاقستان وقۋشىلارى مۋزەي مەن تەاترلارعا جۇيەلى تۇردە باراتىن بولادى. بۇل تۋرالى وبلىس اكىمى دانيال احمەتوۆ مادەنيەت سالاسىنداعى مەملەكەتتىك ساياساتتى جۇزەگە اسىرۋ باعدارلاماسى تالقىعا تۇسكەن كەڭەيتىلگەن اپپاراتتىق كەڭەستە ايتتى.

شىعىس قازاقستان وبلىسىندا 10 ايماقتىق مۋزەي، سونداي-اق ونىڭ 5 ءبولىمى جۇمىس ىستەيدى. باستى ماقساتى - ايماقتىڭ تاريحي، مادەني مۇرالارىن ساقتاۋ، زەرتتەۋ جانە تاراتۋ. 2017 جىلى وڭىردە 400-دەن اسا مادەني ءىس-شارا ۇيىمداستىرىلىپ، تەاتر تارلاندارىمەن 585 ساxنالىق كورىنىس قويىلدى. وبلىس تەاترلارى مەن مۋزەيلەرىنىڭ جۇمىسى قانشالىقتى ءتيىمدى بولسا دا، وبلىس اكىمى وقۋشىلاردىڭ سول مادەني مەكەمەلەرگە كوپ كەلە بەرمەيتىنىن قاتاڭ سىنعا الدى.

- مەكتەپ وقۋشىلارى ايماقتىڭ مۋزەي مەن تەاترلارىنا جۇيەلى تۇردە بارىپ تۇرۋلارى قاجەت. تاريح، گەوگرافيا، بيولوگيا جانە مادەنيەتتانۋ ساباقتارىن وتكىزۋ ءۇشىن مۋزەيلەردى پايدالانۋ تۋرالى باعدارلاما دايىنداۋدى تاپسىرامىن. سونىمەن قاتار، وقۋشىلاردىڭ قويىلىمدارعا بارۋىنا جاعداي جاساپ، قوسىمشا قارجى بولەيىك، - دەدى دانيال احمەتوۆ.–ويتكەنى بارلىق مەملەكەتتىك باعدارلامالار جاستارعا باعىتتالعان جانە بۇل بالالارىمىزعا ءبىزدىڭ مادەني مۇرامىزبەن تانىسۋعا مۇمكىندىك بەرەدى.

2017 جىلى وڭىردە التى جوبا «رۋحاني جaڭعىرۋ» باعدارلاماسى اياسىندا باستاۋ الدى. اتاپ ايتقاندا، «كيەلى گەوگرافيا»، «جاھاندانۋ الەمىندەگى قازىرگى قازاقستان مادەنيەتى»،«تۋعان جەر» جانە باسقا دا جوبالار ۇلتتىق بىرەگەيلىكتى جانە جاڭا قازاقستاندىق ءپاتريوتيزمدى ناسيحاتتاۋ ماقساتىندا جۇزەگە اسىرىلىپ كەلەدى.

- قوعامنىڭ رۋحاني دامۋىنا ەرەكشە نازار اۋدارۋ قاجەت. ال «رۋحاني جاڭعىرۋ» باعدارلاماسى وسى بولىكتىڭ نەگىزى بولىپ سانالادى. بۇل مەملەكەتتىك باعدارلامانىڭ ءمانى بارلىق بۇقارالىق اقپارات قۇرالدارىندا لايىقتى جاريالانۋى كەرەك. بۇل باعىتتا جۇرگىزىلەتىن ءاربىر جۇمىس ءاربىر ازامات ءۇشىن انىق بولۋى ءتيىس، - دەپ اتاپ ءوتتى وبلىس اكىمى.

ايتا كەتۋ كەرەك، شىعىس قازاقستاندا ارحەولوگيالىق زەرتتەۋلەر جالعاسىن تابۋدا. بۇل رەتتە ايماق باسشىسى دانيال اxمەتوۆ ارحەولوگيالىق زەرتتەۋلەرگە وقۋشىلاردى قاتىستىرۋ تۋراسىندا ءتيىستى باعدارلامالاردى دايىنداۋدى بۇيىردى.

شقو اكىمىنىڭ باسپا ءسوز قىزمەتى