استانا قالاسى اكىمدىگى قالا تۇرعىندارى مەن قوناقتارىنىڭ حابارلارى مەن وتىنىشتەرىنە جەدەل ارەكەت ەتۋ ماقساتىندا، ارىز-شاعىمداردى #astana109 حەشتەگىن قولدانىپ بەلگىلەۋدى سۇرايدى. بۇل تۋرالى استانا قالاسى اكىمدىگىنىڭ باسپا ءسوز قىزمەتىنىڭ جەتەكشىسى ەلۆيرا جۇرگەنبايەۆا ءوزىنىڭ Facebook پاراقشاسىندا جازدى. 

«ەستەرىڭىزگە سالا كەتەيىن، استانا اكىمدىگى قالالىق مونيتورينگ جانە جەدەل ارەكەت ەتۋ ورتالىعىن قۇرعان بولاتىن.

قالالىق مونيتورينگ جانە جەدەل ارەكەت ەتۋ ورتالىعى – «109 كەزەكشىلىك قىزمەتى» مم جانە استانا ق. اكىمدىگىنىڭ اxۋالدىق ورتالىعىنىڭ بەينەباقىلاۋ مونيتورينگ كومانداسىمەن بىرىگۋى ارقىلى قۇرىلعان.

قالالىق مونيتورينگ جانە جەدەل ارەكەت ەتۋ ورتالىعى استانانىڭ «تىرشىلىك ارەكەتىنىڭ» مونيتورينگى جانە تەكسەرۋ قۇرالى بولىپ جۇمىس جاسايدى.

قالالىق مونيتورينگ جانە جەدەل ارەكەت ەتۋ ورتالىعىنىڭ نەگىزگى ماقساتتارى بولىپ –تۇرعىنداردىڭ حابارلامالارىن جانە وتىنىشتەرىن قابىلداۋ، كوممۋنالدىق جانە بولعان وقيعالاردىڭ شەشۋ كەزىندەگى جەدەل قىزمەتتەردىڭ جۇمىسىن، توتەنشە جاعدايلاردى، وقيعالاردىڭ ۋاقىتىلى جابىلۋىن قاداعالاۋ، قۇقىقبۇزۋشىلىق وقيعالاردى انىقتاۋ جانە شەشۋ، سونىمەن قاتار قالالىق بەينەباقىلاۋ جۇيەسى ارقىلى «ءقازىر جانە وسىندا» رەجيمىندە قالاداعى جاعدايدى جەدەل باقىلاۋ بولىپ تابىلادى.

قالالىق مونيتورينگ جانە جەدەل ارەكەت ەتۋ ورتالىعى كوممۋنالدىق جانە جەدەل قىزمەتتەردىڭ جۇمىسىن بىرىكتىرەدى جانە قالانىڭ ءاردايىم جاقسارتۋ پلاتفورماسى بولادى.

قالالىق مونيتورينگ جانە جەدەل ارەكەت ەتۋ ورتالىعى تاۋلىك بويى 24/7 رەجيمىندە جۇمىس ىستەيتىنىن ەستەرىڭىزگە سالامىز.

بايلانىس ءنومىرى قالا تۇرعىندارىنا ادەتتەگىدەي 109 بولىپ تابىلادى.

قالا تۇرعىندارى سونىمەن قاتار وزدەرىنىڭ حابارلامالارىن «Smart Astana» ءموبيلدى قوسىمشاسى ارقىلى بەرە الادى.

Android جانە IOS قۇرىلعىلارىنا «Smart Astana» ءموبيلدى قوسىمشاسىن جۇكتەۋدىڭ سىلتەمەلەرى» دەپ جازدى ەلۆيرا جۇرگەنبايەۆا.