مەلاني گۋدۆين 40 جاستاعى ايەل. كىشكەنتاي كەزىندە زورلىق زومبىلىق كورگەننەن مەلاني وسە كەلە پسيحولوگيالىق اۋرۋعا ۇشىراعان. مەلاني 40 جاستا بولسا دا ءار ءتۇرلى جاستاعى قىزدار كەيپىنە ەنەدى. بىردە 3 جاستا بولسا، بىردە 16 جاستاعى بويجەتكەن قىزدىڭ قىلىقتارىن ىستەيدى. مەلانيدىڭ پسيحولوگيالىق اۋىتقۋىن دارىگەرلەر زەرتتەپ كەلەدى.

وتباسىنداعى قيىنشىلىق مەلانيدىڭ ەسىنە ءبارىن ءتۇسىردى. كەنەتتەن مەلاني ءوزىنىڭ ىشىندە قانشا ادام ءومىر ءسۇرىپ جاتقانىن ءتۇسىندى. بىرتە-بىرتە مەلاني كىشكەنتاي كەزىندە كورگەن زورلىق-زومبىلىقتى ەسىنە ءتۇسىردى: الدىمەن 3 جاستاعى بالاعا قاتىستى، سوسىن 16 جاسقا دەيىن.

«مەندە ەشقانداي دالەل جوق، ءبىراق مەن قازىرگى شىندىقپەن ءومىر ءسۇرۋىم كەرەك»،- دەيدى ول.

مەلانيدىڭ بۇل قىلىعى كەزدەيسوق ەمەس. مەلاني ءديسسوسياتيۆتى بۇزىلىسىنا شالدىققان. وسى ۋاقىتقا دەيىن ديسسوسياتيۆ «بىرنەشە بولىنگەن جەكە تۇلعا» دەپ اتالىپ كەلگەن بولاتىن.

مەلاني ءوزىن «مەن» دەۋدىڭ ورنىنا «ءبىز» دەيدى. «ءبىز ءارقايسىسىمىز ءوز ءومىرىن باسقارىپ جۇرگەن توعىز ادامنان تۇرامىز. ءبىز بالالىق شاقتا بولعان زورلىق-زومبىلىقتى ەسكە تۇسىرۋگە تىرىسامىز»،- دەيدى مەلاني.

ءديسسوسياتيۆتى سايكەستىلىك بۇزىلىسى كەزىندە  ءومىر توزاق سياقتى كورىنەدى دەيدى مەلاني. بۇل قاراپايىم، وزدەرىن جاقسى سەزىنەتىن ادامداردىڭ وزىندىك ءيميدجدىڭ تولىعىمەن بۇزىلۋى.

بىرنەشە ادام ءومىر ءسۇرىپ جاتقانىن كەنەتتەن تۇسىنە باستايدى. بىلگەننەن كەيىن ادام ىشىندە بىر-بىرىمەن ارپالىس باستالادى. ۋاقىت وتە كەلە  ادام ونىمەن كۇرەسۋگە بولاتىندىعىنا كوز جەتكىزدى.

مەلانيمەن دارىگەرلەر وزدەرى سويلەسەدى. رەمي اكۆارون اتتى دارىگەر مەلانيدى ءوزى قاراپ، ەمدەپ ءجۇر.

30 جىلدان اسا زەرتتەپ كەلە جاتقان اكارون وسىعان ۇقساس  جۇزدەگەن ناۋقاستارمەن جۇمىس ىستەگەن. كوپتەگەن جاعدايلاردا  بالا كەزىندە ەرەسەكتەردەن زورلىق-زومبىلىقتان زارداپ شەككەن ەرەسەكتەر ۇشىرايدى.

ەگەر بالا ءبىر جىلدا  زورلىق-زومبىلىقتى قايتا-قايتا  كورسە، ءتۇرلى ەرەسەكتەردەن زارداپ شەكسە، وندا سول ۋاقىتتاعى  ءارتۇرلى ادامدار پايدا بولۋى مۇمكىن دەيدى دارىگەرلەر.

بۇل ناۋقاستارعا  كومەكتەسۋگە بولادى، ءبىراق ولار مامان باسشىلىعىنىڭ كومەگىمەن پسيحولوگيالىق قالپىنا كەلەدى.

مەلانيدىڭ ايتۋىنشا، ادامدارمەن، دارىگەرلەرمەن جاقسى ارالاسۋ ءۇشىن بىزگە سول كىسىلەرگە دەگەن سەنىم كەرەك.

مەلانيدىڭ ءومىرى بىرتە-بىرتە جاقسارىپ كەلەدى. ءبىراق ول  كۇيەۋىمەن سەرۋەنگە باراعاندا، كەيبىر قيىندىقتاردى باستان كەشىرگەندە،  كەز كەلگەن ۋاقىتتا 16 جاستاعى كىرپياز مەلاني بولىپ قالادى. ال 8 جاساتاعى  مەلاني سۇيىكتى ويىنشىعىن كورگەن كەزدە  كىشكەنتاي قىزعا اينالادى.

مەلانيدىڭ ىشىندە  ءارتۇرلى تۇلعالارى ءالى دە بار. ءبىراق ولار بەيبىت قاتار ءومىر ءسۇرىپ كەلەدى.

«ءبىز - ءبىر ەمەسپىز، ءبىراق ءبىز تاتۋ ءومىر سۇرەمىز دەپ كەلىستىك»، - دەيدى مەلاني.