2018 جىلدىڭ 15-18 قاڭتار ارالىعىندا قازاقستان رەسپۋبليكاسى ۇلتتىق ۇلانىنىڭ باس قولباسشىلىعىندا «ۇزدىك باتالون كومانديرى»، «باتالوننىڭ ۇزدىك شتاب باستىعى» جانە «باتالون كومانديرىنىڭ تاربيە جانە الەۋمەتتىك-قۇقىقتىق جۇمىستار بويىنشا ۇزدىك ورىنباسارى» جۇلدەلەرى ءۇشىن بايقاۋدىڭ قورىتىندى كەزەڭى وتكىزىلەتىن بولادى، دەپ جازادى Qamshy.kz اقپارات اگەنتتىگى.

بايقاۋ شاراسىنا  قاتىسۋشىلارعا قويىلار باستى تالاپ – ۇلتتىق ۇلان اسكەري قىزمەتشىسىنىڭ لاۋازىمى بويىنشا بىلىكتىلىك تالاپتارى مەن ءبىلىم دەڭگەيىنىڭ تولىقتاي ساي بولۋى.

اتالعان بايقاۋ سوڭعى ءتورت جىل كولەمىندە ۇزبەي وتكىزىلىپ كەلەدى. شارانىڭ نەگىزگى ماقساتى - بولىمشەلەردەگى قىزمەتتىك-جاۋىنگەرلىك ىس-ارەكەتتەردى جەتىلدىرۋ، وفيسەرلەردىڭ كومانديرلىك دايىندىق دەڭگەيىن ارتتىرۋ، باتالون زۆەنوسى بويىنشا لاۋازىمدىق تۇلعالاردىڭ كاسىبي بىلىكتىلىگىن ارتتىرۋعا ىنتالاندىرۋ، العى تاجىريبەلەرمەن الماسۋ، ۇلتتىق ۇلان اسكەري قىزمەتشىلەرىنىڭ بەدەلىن قالىپتاستىرۋ بولىپ تابىلادى.

ۇزدىك وفيسەرلەردى انىقتاۋعا ارنالعان بايقاۋ ولاردىڭ جىل بويعى اتقارعان قىزمەتتىك-جاۋىنگەرلىك قىزمەتتەرىنىڭ ناتيجەسىندە جۇرگىزىلەتىن بولادى. بيىل دوداعا ۇلتتىق ۇلاننىڭ وڭىرلىك قولباسشىلىقتارىندا ۇيىمداستىرىلعان بايقاۋدىڭ ءبىرىنشى كەزەڭىنەن وتكەن 19 وفيسەر قاتىسىپ وتىر.

وسى كۇندەرى بايقاۋعا قاتىسۋشىلار ساپتىق، تاكتيكالىق جانە دەنە شىنىقتىرۋ دايىندىقتارى بويىنشا نورماتيۆتەردى، اتۋ جانە اتىستى باسقارۋدان سىناقتار، سونىمەن قاتار جالپى اسكەري جارعى تالاپتارىن بىلۋدەن ەمتيحان تاپسىراتىن بولادى. بايقاۋدا جۇلدەلى ورىندارعا قول جەتكىزگەن جەڭىمپازدار باس قولباسشىلىق تاراپىنان قۇرمەت گراموتالارى جانە اقشالاي ماراپاتتارعا يە بولىپ قانا قويماي، ق ر ۇلتتىق ۇلانىنىڭ كوماندالىق زۆەنوسىنىڭ كادرلىق رەزەرۆىنە ەنگىزىلىپ، جوعارى لاۋازىمدارعا كوتەرمەلەنىپ، ۇسىنىلاتىن بولادى.

اتۋ جانە اتىستى باسقارۋدان سىناقتار، سونىمەن قاتار دەنە شىنىقتىرۋ بويىنشا سىناقتار  يلينكا كەنتى («ۇركەر» ىقش. اۋد.)، 5573 اسكەري ءبولىمى  16 قانتار كۇنى ساعات 10.00-دە وتەدى.

كولىكپەن جەتكىزۋ ۇيىمداستىرىلادى. اۆتوكولىك 16 قانتار كۇنى ساعات 09.00-دا «قازمەديا» ورتالىعىنان اتتانادى.

بايقاۋ جەڭىمپازدارىن ماراپاتتاۋ شاراسى 2017 جىلدىڭ 18 قاڭتارىندا ق ر ۇلتتىق ۇلانىنىڭ باس قولباسشىلىعىندا مىنا مەكەنجاي بويىنشا: استانا ق.، جانگەلدين كوش. 2، ساعات 13.00-دە وتەدى.

ب ا ق وكىلدەرىن اتالعان شاراعا اقپاراتتىق قولداۋ كورسەتۋگە شاقىرامىز.

اككرەديتاسيا ءۇشىن بايلانىس تەلەفوندارى:72-40-85، 87752585221 (ولجاس)، e-mail.ru: press_kvv@mail.ru