رەسەيدەگى ياروسلاۆ وبلىسىندا ۆياتسكوە اۋىلىنىڭ مەكتەپ عيماراتىنا قازاق حالقىنىڭ داڭقتى قىزى، سنايپەر ءاليا مولداعۇلوۆاعا ارناپ مەموريالدىق تاقتا ءىلىندى، دەپ حابارلايدى Qamshy.kz اقپارات اگەنتتىگى رەسەيدەگى قازاقستان ەلشىلىگىنە سىلتەمە جاساپ.

ءاليا 1942 جىلى لەنينگراد قورشاۋىنداعى بالالار ۇيىمەن ۆياتسكوە كەنتىنە كەلىپ، سوندا 7 اي تۇردى، جەرگىلىكتى مەكتەپتەن ءبىلىم الدى.

شاراعا جەرگىلىكتى مەملەكەتتىك ورگانداردىڭ وكىلدەرى قاتىستى.

تاريحي-مادەني «ۆياتسكوە» كەشەنىندەگى كەشتەر وتەتىن زالدا اۋىل وقۋشىلارىنىڭ ورىنداۋىندا ءاليا مولداعۇلوۆانى ەسكە الۋعا ارنالعان ادەبي-مۋزىكالىق ءان شىرقالدى. قازاق تىلىندەگى «ءاليا» ءانى دە كورەرمەندەردى ەرەكشە اسەرگە بولەگەن. ءاندى ف. ۆولكوۆ اتىنداعى ياروسلاۆ مەملەكەتتىك اكادەميالىق تەاتردىڭ ءارتىسى ءانۋار سۇلتانوۆ ورىندادى.

ەسكە الۋ شاراسى بارىسىندا ماسكەۋلىك تاريحشى داريا تيموشەنكونىڭ «ءاليانىڭ سوڭعى شايقاسى» اتتى كىتابى تانىستىرىلدى.

ءاليا مولداعۇلوۆا اتىنداعى اقتوبەلىك مەموريالدىق مۋزەيىنىڭ ۆيدەو حابارلاماسى كورەرمەندەر ءۇشىن كۇتپەگەن توسىن سىي بولدى.