اتىشۋلى «قالاۋلىم» باعدارلاماسىن جۇرگىزگەن زارينا وماروۆا ءوزىن سىناعاندارعا جاۋاپ بەردى دەپ جازادى Qamshy.kz اقپارات اگەنتتىگى. ايتا كەتەتىن بولساق اتالعان باعدارلامانىڭ جۇرگىزۋشىسى اشا ماتاي وتباسىمەن بىرگە مىسىردا دەمالىپ ءجۇر.
«تىكەلەي ەفير تۇگىلى، مەرەكەلىك كونسەرتتەردىڭ تىزگىنىن ۇستاپ كورمەگەن ماعان، وسىنداي توسىنسىي جاساعان ۇيىمداستىرۋشىلاردىڭ سەنىمىن اقتاي الار ما ەكەنمىن دەپ، ءوزىم دە ۋايىمداعانىمدى جاسىرمايمىن. سىزدەر ءبارىن سەزەتىن، كوزدەرىڭىز اشىق جاندار بولعاننان كەيىن، بايقاماۋلارىڭىز مۇمكىن ەمەس ارينە. سىن ايتقان جاندارعا دا، ءتۇسىنىپ، دەمەۋ بىلدىرگەن جاندارعا دا العىسىم شەكسىز. سىن تۇزەلمەي، ءمىن تۇزەلمەيدى. جانە سىن ادامدى جىگەرلەندىرەدى. سوندىقتان جاقسى بولسىن، جامان بولسىن ءارقايسىلارىڭىزدىڭ جازعان پىكىرلەرىڭىز، ماعان بولاشاققا قامشى.
سۇيىكتى باعدارلامالارىڭىزدى، سىزدەر ويلاعانداي جەتكىزە الماسام ايىپ ەتپەڭىزدەر. ونىڭ ۇستىنە كۇندە كورىپ جۇرگەن بولسام دا، اكەمنىڭ ەفيرگە شالعان قوڭىراۋى كۇتپەگەن جاعداي بولعان سوڭ با، قوبالجىپ قالدىم. قىسقاسى ءبارى ارتتا قالدى»، – دەپ جازدى ءانشى ينستا-پاراقشاسىندا.
