قازاقستان جۋرناليستەر وداعىنىڭ ءتوراعاسى سەيىتقازى ماتايەۆ قۇقىق قورعاۋشى اندرەي ساحاروۆ اتىنداعى "ەرلىگى ءۇشىن" سىيلىعىمەن ماراپاتتالدى، دەپ جازادى Qamshy.kz اقپارات اگەنتتىگى.

بۇل جونىندە سىيلىقتى تاعايىنداۋشىلارعا سىلتەمە جاساپ، جەرگىلىكتى ب ا ق حابارلادى. ماتايەۆتىڭ ءوزى وردەن الۋ ءۇشىن قۇجات تاپسىرماعان. بۇل ۇيىمداستىرۋ كوميتەتىنىڭ باستاماسى بولعان.

اندرەي ساحاروۆ اتىنداعى سىيلىق نەگىزىنەن اقيقات ءۇشىن كۇرەسكەن جۋرناليستەرگە، قۇقىق قورعاۋشىلارعا بەرىلەدى. بۇل جولى قازىلار القاسىنىڭ قۇرامىندا نوبەل سىيلىعىنىڭ لاۋرەاتى سۆەتلانا الەكسييەۆيچ بولعان. وسىعان دەيىن اتالعان جۇلدە اننا پوليتكوۆسكاياعا، راديو سۆوبودا مەن "نوۆايا گازەتاعا" بەرىلگەن.

سەيىتقازى ماتايەۆ 2016 جىلى مەملەكەت قارجىسىن زاڭسىز پايدالاندى دەگەن ايىپپەن التى جىلعا باس بوستاندىعىنان ايىرىلعان. ول 2017 جىلدىڭ اياعىندا مەرزىمىنەن بۇرىن شارتتى تۇردە بوستاندىققا شىقتى.