كەزدەسۋدە مەملەكەت باسشىسىنا «سيفرلىق قازاقستان» مەملەكەتتىك باعدارلاماسىنىڭ ىسكە اسىرىلۋ بارىسى جانە بۇعان دەيىن بەرىلگەن تاپسىرمالاردى ورىنداۋ ءۇشىن اتقارىلعان شارالار جونىندە باياندالدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.

– سيفرلاندىرۋدىڭ ارقاسىندا قازاقستان ەكونوميكاسى 30 پايىزعا ءوسۋى كەرەك، ول اقشاعا شاققاندا 2 تريلليون تەڭگەدەن اسادى، – دەدى قازاقستان پرەزيدەنتى.

نۇرسۇلتان نازاربايەۆ قازاقستاندا جيناقتالعان تاجىريبە مەن قۇزىرەتتىلىكتى ساقتاۋ ءۇشىن سيفرلاندىرۋ سالاسىنداعى مەملەكەتتىك تاپسىرىستاردى جۇزەگە اسىرۋ ماسەلەلەرىن سارالاۋعا وتاندىق بيزنەستىڭ قاتىسۋى قاجەت ەكەنىن اتاپ ءوتتى.

– سيفرلاندىرۋ باعدارلاماسى بەكىتىلدى. مەملەكەت وعان از اقشا ءبولىپ وتىرعان جوق، سوندىقتان ولاردىڭ ءتيىمدى پايدالانىلۋىن قامتاماسىز ەتۋ كەرەك، – دەدى مەملەكەت باسشىسى.

اسقار جۇماعالييەۆ قازاقستان پرەزيدەنتىنە «سيفرلىق قازاقستان» باعدارلاماسىنىڭ ورىندالۋىنان كۇتىلەتىن ناتيجەلەر جونىندە مالىمدەدى. 

– سيفرلاندىرۋدى ەنگىزۋدىڭ ارقاسىندا ءوندىرۋشى ونەركاسىپتە ءونىمنىڭ وزىندىك قۇنى تومەندەپ،  ءوندىرىس كولەمى ۇلعايادى. سونداي-اق، ەلەكتروندى كوممەرسيا سالاسىندا 200 مىڭعا جۋىق جاڭا جۇمىس ورنى اشىلادى دەپ وتىرمىز. ءبىزدىڭ ەسەبىمىز بويىنشا، تەك كەدەن جانە سالىق قىزمەتتەرىن سيفرلاندىرۋ ناتيجەسىندە مەملەكەت قازىناسىنا 100 ميلليارد تەڭگەدەن استام قارجى تۇسەدى، – دەدى پرەمەر-مينيستردىڭ ورىنباسارى.

سوڭىندا نۇرسۇلتان نازاربايەۆ «جاھاندانۋ داۋىرىندەگى سيفرلىق كۇن ءتارتىبى» اتتى حالىقارالىق فورۋمدى وتكىزۋگە دايىندىق جونىندەگى ەسەپتى تىڭداپ، ءبىرقاتار ناقتى تاپسىرما بەردى.