20-21 قاڭتاردا ەلىمىزدىڭ 20 قالاسىندا 80 مىڭعا جۋىق قازاقستاندىق مۇز ايدىنىندا وتكەن حالىق بانكتىڭ ناۋقانىنا قاتىستى، دەپ جازادى Qamshy.kz اقپارات اگەنتتىگى.

قازاقستان حالىق بانكىنىڭ 95-جىلدىعىنا وراي بانك «يگى ىستەر فەستيۆالى» ناۋقانىن اشتى.  

«دالاداعى ايازعا قاراماستان ارنايى مۇز ارەنالارى مەن مۇز ايدىنىنا كەلگەن ادامداردىڭ لەگى ەكى كۇن قاتارىنان ازايمادى. ولاردىڭ تاراپىنان ايتىلعان العىستار مەن ىزگى نيەتتەرىنەن-اق باستامامىزدىڭ دۇرىس ەكەنىنە كوزىمىزدى جەتكىزدىك. ءبىز اۋقىمدى «ىزگىلىك ەستافەتاسىن» ىسكە قوستىق جانە دە وسى ەستافەتامىزعا كليەنتتەرىمىز كوپتەپ قوسىلىپ جاتسا نۇر ۇستىنە نۇر بولار ەدى»، - دەدى قازاقستان حالىق بانكىنىڭ باسقارما ءتوراعاسىنىڭ ورىنباسارى اسلان تالپاقوۆ. 

بانكتىڭ وسى باستاماسىنىڭ نەگىزى مەن ءبىر جىل بويى ۇيىمداستىرىلاتىن بارلىق قايىرىمدىلىق شارالاردى بايلانىستىراتىن نارسە ول يگى ءىس جاساۋ جانە وسى ىسپەن بارشا قازاقستاندىقتارمەن ءبولىسۋ بولىپ تابىلادى. 2018 جىلدىڭ ءار ايى جالپى تاقىرىپتاردىڭ بىرىنە ارنالماق: سپورت پەن سالاۋاتتى ءومىر سالتى، ۇلتتىق ءداستۇر، وسكەلەڭ ۇرپاق پەن قارت ادامدارعا دەگەن قامقورلىق، سونىمەن قاتار مادەنيەت پەن ونەردى دە قامتيتىن بولادى. حالىق بانكتىڭ «يگى ىستەر فەستيۆالى» اياسىنداعى ءاربىر جاڭا ناۋقان جايىنداعى اقپارات الدىن الا جاريالانىپ تۇرادى.

«بانكتىڭ 95-جىلدىق مەرەيتويى كەم دەگەندە 95 يگى ىستەرمەن قوسا اتقارىلۋى ءتيىس دەپ شەشتىك. مىنە، وسى ىستەردى ءبىز ءوز كليەنتتەرىمىزبەن بىرگە ىسكە اسىرامىز دەپ جوسپارلاپ وتىرمىز. ءبىزدىڭ باستامامىز دوستىقتى نىعايتۋعا جانە ۇلتارالىق كەلىسىمگە، سونداي-اق قوعامدا پايدالى جوبالاردى قولداۋعا ازعانتاي بولسا دا ءوز ۇلەسىن قوساتىنىنا سەنەمىز مول»، – دەدى ءوز سوزىندە اسلان تالپاقوۆ.

بانكتىڭ 95-جىلدىعىنا ارنالعان مەرەكەلىك ءىس-شارالارعا قازاقستان حالىق بانكىنىڭ اكسيونەرلەرى قۇرعان Halyk قايىرىمدىلىق قورى دا قاتىساتىن بولادى. قور ءوزىنىڭ الەۋمەتتىك جانە قوعامدىق ءمانى بار باعدارلامالارىن كەڭەيتەدى، ولاردىڭ قاتارىنا: جەتىمدەر ءۇيىن كومپيۋتەرلەندىرۋ جوباسى؛ عىلىمي-كوپشىلىك تاقىرىپتارعا ارنالعان تانىمدىق بەينەكونتەنتى بار SmartHalyk Youtube-ارناسى؛ ەلىمىزدىڭ ەكى باستى وپەرا تەاترى – Astana opera مەن الماتى قالاسىنداعى اباي اتىنداعى مەملەكەتتىك وپەرا جانە بالەت تەاترىمەن ۇيىمداستىرىلعان جاڭا قويىلىمدار جاتاتىن بولادى. بۇدان باسقا، Halyk قورى باسكەتبول مەن فۋتزالدان بالالار مەن ستۋدەنتتەردىڭ سپورت جارىستارىن وتكىزۋ بويىنشا ءوزىنىڭ ءداستۇرلى قولداۋ كورسەتۋىن جالعاستىرادى.