مەملەكەت باسشىسى ن.نازاربايەۆتىڭ «ءتورتىنشى ونەركاسىپتىك ريەۆوليۋسيا جاعدايىنداعى دامۋدىڭ جاڭا مىندەتتەرى» اتتى قازاقستان حالقىنا جاساعان جولداۋىندا ماڭىزدى دەگەن ون مىندەتكە باسىمدىق بەرىپ وتىر. اتاپ ايتقاندا قازاقستاننىڭ يندۋسترياسىن ەڭ جاڭا تەحنولوگيالاردى ەنگىزۋدىڭ كوشباسشىسىنا اينالدىرۋ، وندىرىستىك ۇدەرىستەردى سيفرلاندىرۋ ارقىلى ونەركاسىپتەگى ەڭبەك ونىمدىلىگىن ارتتىرۋ، رەسۋرستىق الەۋەتتى ءتيىمدى پايدالانۋ، وندىرىسكە اقپاراتتىق تەحنولوگيالىق شەشىمدەردى باتىل ەنگىزۋ، اگروونەركاسىپ كەشەنىن جاڭا تەحنولوگيالىق دەڭگەيگە كوتەرۋ، كولىك پەن لوگيستيكالىق ينفراقۇرىلىمدى ودان ءارى دامىتۋ مىندەتتەرىن قامتيدى.

پرەزيدەنتتىڭ جىل سايىنعى جولداۋىن ەرەكشە ىقىلاسپەن كۇتەمىز. اسىرەسە، ءبىزدى ءبىلىم سالاسى تۋرالى ايتقان مالىمدەسى اسا قىزىقتىرادى. وسى جولى دا ەلباسى جولداۋدىڭ جەتىنشى مىندەتىندە ءبىلىم بەرۋدىڭ جاڭا ساپاسىنا توقتالدى. ول بارلىق جاستاعى ازاماتتاردى قامتيتىن ءبىلىم بەرۋ ىسىندە ءوزىمىزدىڭ وزىق جۇيەمىزدى قۇرۋدى جەدەلدەتۋ قاجەت ەكەنىن ەسكەرتتى. ءبىلىم بەرۋ باعدارلامالارىنىڭ نەگىزگى باسىمدىعى – وزگەرىستەرگە ۇنەمى بەيىم بولۋ جانە جاڭا ءبىلىمدى مەڭگەرۋ قابىلەتىن دامىتۋ كەرەكتىگىن ايتىپ ءوتتى.

سونىمەن قاتار جاستار ماسەلەسى، اسىرەسە، جاس عالىمداردىڭ الەۋمەتتىك جاعدايىن ارتتىرۋ كەرەكتىگى جايلى دا ەلباسى ءسوز ەتتى. «جاس عالىمدارعا عىلىمي گرانتتار اياسىندا كۆوتا ءبولىنىپ، ولاردى قولداۋدىڭ جۇيەلى ساياساتى جۇرگىزىلەدى» دەپ ايتۋىنىڭ ماڭىزى جوعارى. سەبەبى ءححى عاسىر-عىلىم مەن تەحنيكانىڭ زامانى بولعاندىقتان، قازاق جاستارى زامان كوشىنەن ءبىر ەلى قالماي عىلىمدى دامىتۋعا بار كۇش-جىگەرىن سالۋى ءتيىس.

جولداۋدا جوعارى ءبىلىم بەرۋ جۇيەسىنە قاتىستى كوپتەگەن جاڭا مىندەتتەر ايقىندالىپ وتىر. اتاپ ايتقاندا ءبىلىم بەرۋدىڭ بارلىق دەڭگەيىندە ماتەماتيكا جانە جاراتىلىستانۋ عىلىمدارىن وقىتۋ ساپاسىن كۇشەيتۋ؛ وقىتۋدىڭ مازمۇندىلىعىنا زاماناۋي تەحنيكالىق تۇرعىدان قولداۋ كورسەتۋ ارقىلى تولىقتىرۋ؛ جوو-عا شەتەلدىك مەنەدجەرلەردى تارتىپ، الەمدىك ۋنيۆەرسيتەتتەردىڭ كامپۋستارىن اشۋ؛ ۇلتتىڭ الەۋەتىن ارتتىرۋ ءۇشىن مادەنيەتىمىز بەن يدەولوگيامىزدى ودان ءارى دامىتۋ تۋرالى ايتىلعان.

الماتى ۋنيۆەرسيتەتى – زامان تالابىنا ساي بەيىمدەلىپ كەلە جاتقان ءبىلىم بەرۋ ورداسى. جىلىنا مىڭداعان تۇلەك ءبىتىرىپ، رەسپۋبليكامىزدىڭ تۇكپىر-تۇكپىرىندە ەلىمىزدىڭ كوركەيۋىنە ءوز ۇلەستەرىن قوسىپ ءجۇر. ۋنيۆەرسيتەت بىتىرگەن تۇلەكتەردىڭ بولاشاعىنا ەشقاشان بەي-جاي قاراعان ەمەس. جولداۋدا ايتىلعان «جۇمىس بەرۋشىلەردى تارتۋ ارقىلى جانە حالىقارالىق تالاپتار مەن سيفرلىق داعدىلاردى ەسكەرە وتىرىپ، تەحنيكالىق جانە كاسىپتىك ءبىلىم بەرۋ باعدارلامالارى جاڭارتىلادى» جانە «ۋنيۆەرسيتەتتەردەگى پەداگوگيكالىق كافەدرالار مەن فاكۋلتەتتەردى دامىتۋ» دەگەن ەلباسىنىڭ سوزدەرى ۋنيۆەرسيتەتىمىزدىڭ ودان ءارى كوركەيۋىنە دەم بەرەتىنى انىق.

ەلباسى جولداۋىندا ايتىلعان ءبىلىم-عىلىم سالاسىن دامىتۋ تۋرالى مىندەتتەرمەلەر ەلىمىزدەگى كەز-كەلگەن جوعارعى وقۋ ورنىن قاناتتاندىرادى. ءبىزدىڭ ۋنيۆەرسيتەت ۇجىمى ءۇشىن 2018 جىل ايتۋلى جىل بولماق. ونىڭ وزىندىك سەبەبى دە بار. جاستاردى ءبىلىم نارىمەن سۋسىنداندىرىپ، تاربيەلەپ وتىرعان ۋنيۆەرسيتەتىمىزگە 20 جىل تولادى. وسىعان وراي ەلباسىنىڭ جولداۋدا ايتىلعان ءبىلىم بەرۋ ۇردىستەرىن جەتىلدىرۋگە، وقۋ باعدارلامالارىن جاڭارتۋعا، سيفرلىق ۋنيۆەرسيتەتكە كوشۋگە باعىتتالعان تاپسىرمالارىن ورىنداۋ ارقىلى جاڭا مەجەگە جەتەمىز دەگەن ويدامىز جانە 20 جىلدىققا قوسقان ەرەكشە ۇلەسىمىز دەپ بىلەمىز.

جالپى ەلىمىز قارقىندى دامىپ، دامىعان وتىز ەلدىڭ قاتارىنا جەتۋدى ماقسات ەتىپ وتىر. ەلباسىنىڭ بيىلعى جولداۋى قازاقستاننىڭ ءۇشىنشى جاڭعىرۋىن جاڭا بەلەستەرگە كوتەرۋدىڭ ناقتى باعدارلاماسى ەكەنى ايدان انىق.

ەرماعانبەتوۆ مۋباراك ەرماعانبەت ۇلى،

الماتى ۋنيۆەرسيتەتىنىڭ رەكتورى، حيميا عىلىمدارىنىڭ دوكتورى، پروفەسسور