ۇەۇ-دىڭ دەرەكتەر بازاسىندا ەسەپتە تۇرماعان ۇيىمدار مەملەكەتتىك الەۋمەتتىك تاپسىرىستار مەن گرانتتاردى الا المايدى، دەپ حابارلايدى Qamshy.kz اقپارات اگەنتتىگى ق ر ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى كوميتەتىنە سىلتەمە جاساي وتىرىپ.

ۇەۇ دەرەكقورىنا اقپارات ۇسىنباعان ۇكىمەتتىك ەمەس ۇيىمدار مەملەكەت تاراپىنان بولىنەتىن گرانتتار مەن سىيلىقاقىلاردى الا المايدى جانە مەملەكەتتىك الەۋمەتتىك تاپسىرىستى الۋعا ارنالعان كونكۋرسقا دا قاتىسا المايدى.

2018 جىلعى 1 قاڭتاردان باستاپ كۇشىنە ەنگەن قازاقستان رەسپۋبليكاسى قارجى ءمينيسترىنىڭ 2015 جىلعى 11 جەلتوقسانداعى № 648 بۇيرىعىمەن بەكىتىلگەن مەملەكەتتىك ساتىپ الۋدى جۇزەگە اسىرۋ جوننىدەگى ەرەجەگە ەنگىزىلگەن وزگەرىستەرگە سايكەس، ۇەۇ-دىڭ دەرەكتەر بازاسىندا تىركەلۋ الەۋمەتتىك باعدارلامالاردى ىسكە اسىرۋعا باعىتتالعان كونكۋرسقا جانە (نەمەسە) مەملەكەتتىك الەۋمەتتىك تاپسىرىس شەڭبەرىندەگى الەۋمەتتىك جوبالارعا قاتىسۋ ءۇشىن قويىلاتىن مىندەتتى تالاپقا جاتادى.

بۇدان باسقا، قازاقستاندا گرانتتار مەن سىيلىقاقىلاردى تاعايىنداۋ ارقىلى ۇكىمەتتىك ەمەس ۇيىمداردى مەملەكەتتىك قولداۋدىڭ جاڭا فورمالارى قولدانىسقا ەنگىزىلگەن.

اتاپ ايتقاندا، 2018 جىلى گرانتتىق قارجىلاندىرۋ اياسىندا جالپى سوماسى 950 ملن. تەڭگەنى قۇرايتىن 87 جوبانى جۇزەگە اسىرۋ جوسپارلانىپ وتىر. الايدا، ۇەۇ دەرەكتەر بازاسىندا ءوز قىزمەتى تۋرالى اقپارات ۇسىنباعان ۇيىمدار كونكۋرستىق راسىمدەرگە قاتىسا المايدى.

وسى ورايدا، ءدىن ىستەرى جانە ازاماتتىق قوعام مينيسترلىگىنىڭ ازاماتتىق قوعام ىستەرى جونىندەگى كوميتەتى ۇكىمەتتىك ەمەس ۇيىمدارعا  جىل سايىن 31 ناۋرىزىنا دەيىن infonpo.kz. اقپاراتتىق رەسۋرسى ارقىلى ءوز قىزمەتتەرى تۋرالى قورىتىندى ەسەپتەرىن تاپسىرۋدى سۇرايدى.  سونداي-اق، ۇكىمەتتىك ەمەس ۇيىمداردىڭ دەرەكتەر بازاسىنا اقپارات ۇسىنباۋ، كەشىكتىرۋ، سونداي-اق جالعان نەمەسە شىنايى ەمەس اقپارات بەرۋ دەرەكتەرى تىركەلگەن جاعدايدا اكىمشىلىك جاۋاپكەرشىلىك قاراستىرىلعان.