جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا مۇراتحان ءتوقماديدىڭ ىسىنە قاتىستى الدىن الا تىڭداۋ ءوتتى، - دەپ حابارلايدى Tengrinews.kz. 

ءتوقماديدىڭ ادۆوكاتى ءوزىن جانە ايىپتالۋشىنى فوتو مەن ۆيدەوعا تۇسىرمەۋ تۋرالى شاعىمىن ايتتى. سوت بۇل ءوتىنىشتى قولدادى. 

سوت قۇرامى جاريالاندى. ەشكىمنەن قارسىلىق تۇسپەگەن.

"05.02.2018 جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا م.ش. توقماديگە قاتىستى 96-باپتىڭ 2 تارماعى "ج، ز" بويىنشا قىلمىستىق ءىس كەلىپ ءتۇستى. ءىس ماتەريالى بويىنشا، الماتى قالاسىندا قىلمىستىق الەمنىڭ "بەدەلدىسى" جانە "دەپۋتاتتىق كورپۋس" ۇقت باسشىسى م.ش.ءتوقمادي "بانك تۇران الەم"اق باسقارماسىنىڭ بۇرىنعى ءتوراعاسى ە.ن.تاتىشيەۆتى ءولتىردى دەپ ايىپتالىپ وتىر. بۇل قىلمىستىق ءىس "تورەلىك" اقپاراتتىق جۇيەسىمەن سۋدياعا قاراستىرۋعا ۇلەستىرىلگەن. قىلمىستىق ءىستى قاراۋدىڭ مەرزىمى مەن كۇنى بەلگىلەنبەدى"، - دەپ حابارلايدى جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ باسپا ءسوز قىزمەتىندەگىلەر. 

وسىعان دەيىن بيزنەسمەنگە قاتىستى قوزعالعان قىلمىستىق ءىستىڭ سوتقا جولدانعانى حابارلانعان بولاتىن.

مۇراتحان توقماديگە قاتىستى قىلمىستىق ءىس جامبىل وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا سۋديا ازامات تىلەپوۆتىڭ توراعالىعىمەن وتەتىنى حابارلانعان ەدى.

ەسكە سالا كەتەيىك، مۇراتحان ءتوقمادي بىلتىر 12 ماۋسىمدا ۇستالعان بولاتىن. الماتىدا ارنايى قىزمەت "دەپۋتاتتىق كورپۋس" اتتى قىلمىستىق توپتى ۇستاۋ بويىنشا وپەراسيا وتكىزگەن ەدى. باق-تا شىققان اقپارات بويىنشا، بۇل قىلمىستىق توپتى "قازشىنىقۇرىلىس" زاۋىتىنىڭ يەسى مۇراتحان ءتوقمادي باسقارعان. سونداي-اق، پروكۋراتۋرا مالىمەتىنشە، ونىڭ ءۇيىن ءتىنتۋ كەزىندە قارۋ-جاراق پەن ءوق-دارى تابىلعان. ال تاياۋدا بيزنەسمەنگە قاتىستى ۇكىم شىققان. مۇراتحان ءتوقمادي 3 جىلعا باس بوستاندىعىنان ايىرىلعان بولاتىن.