قاراعاندى وبلىسىندا پروكۋراتۋرانىڭ ەكى قىزمەتكەرى پارا الىپ تۇرعان جەرلەرىنەن ۇستالدى. بۇل تۋرالى ق ر باس پروكۋراتۋرانىڭ باسپا ءسوز قىزمەت حابارلادى، دەپ جازادى Qamshy.kz اقپارات اگەنتتىگى.

«بۇگىن باس پروكۋراتۋرانىڭ ىشكى تەرگەۋ دەپارتامەنتىنىڭ قىزمەتكەرلەرى قاراعاندى وبلىسى پريوزەرسك قالاسىنىڭ پروكۋرورى تۇرىسبەكوۆ ە.ب. جانە پريوزەرسك گورنيزونى اسكەري پروكۋراتۋراسىنىڭ اعا پروكۋرورى رادجاپوۆ ا.ۋ.-دى 1000 اقش دوللار كولەمىندە پارا الىپ جاتقان جەرىندە ۇستادى»، - دەلىنگەن باسپا ءسوز حابارلاماسىندا.

پروكۋرورلار قىلمىستىق ءىستى جابۋ ءۇشىن س. ەسىمدى ازاماتتان اقشا العان.

اتالمىش ىسكە قاتىستى تەرگەۋ امالدارى ءجۇرىپ جاتىر.

پريوزەرسك اكىمدىگىنىڭ مالىمەتىنشە، ەرجان تۇرىسبەكوۆ قالا پروكۋرورى قىزمەتىنە 2016 جىلدىڭ 12 اقپانىندا تاعايىندالعان.

ول 1977 جىلى تالدىقورعان وبلىسى لەپسى ستانسياسىندا دۇنيەگە كەلدى.

پروكۋراتۋرالىق ورگاندا 15 جىلدان بەرى جۇمىس ىستەپ كەلەدى.