فريستايلدىڭ موگۋل تۇرىنەن پحەنچاندا ءوتىپ جاتقان قىسقى وليمپيادا ويىندارىندا ەل نامىسىن قورعاعان 29 جاستاڭى دميتريي رەيحەرد جارىستىڭ فينالدىق كەزەڭىنە شىعا المادى.
كتك جاڭالىقتارىنىڭ مالىمەتىنشە، وتانداسىمىز ءبىرىنشى فينالدا 79.77 ۇپاي جيناپ، التىنشى ورىنمەن ەكىنشى فينالعا شىقتى. ال بۇل سىندا ب ا ق سىناعان تاعى ءبىر وتانداسىمىز پاۆەل كولماكوۆ ءبىرىنشى فينالدا 78.22 ۇپايمەن 11-ورىنعا جايعاسىپ، ەكىنشى فينالعا ءوتتى.
ەكىنشى فينالدا الدىمەن كولماكوۆ ونەر كورسەتىپ، 76.10 ۇپايمەن 7 ورىنعا جايعاسىپ، شەشۋشى فينال جولداماسىنان قاعىلدى. ال رەيحەرد جارىس جولىندا قاتەلىك جىبەرىپ، نەبارى 58.64 ۇپاي جينادى. وسىلايشا ول سەگىزىنشى ورىنعا جايعاسىپ، ءۇشىنشى فينالعا شىعا المادى.
