ان-148 قۇلاعان جەردە مىڭنان استام ءمايىت بولىگى مەن 500-گە جۋىق ۇشاق سىنىعى تابىلدى، دەپ حابارلايدى Qamshy.kz اقپارات اگەنتتىگى ريا نوۆوستي سايتىنىڭ دەرەگىنە سۇيەنىپ.

وقيعا ورنىندا ىزدەۋ جۇمىستارىن جۇرگىزۋگە قالىڭ جاۋعان قار كەدەرگى كەلتىرىپ وتىر، ارنايى تەحنيكا مەن دروندار جۇمىلدىرىلعان. ىزدەۋ شارالارى تاعى ءبىر اپتاعا سوزىلاتىن بولدى.

ەكى قارا جاشىك تابىلىپ، مەملەكەتارالىق اۆياسيالىق كوميتەت تالداۋ جۇمىستارىن باستاپ كەتتى.

ەسكە سالساق، ماسكەۋدىڭ دومودەدوۆو اۋەجايىنان كوككە كوتەرىلگەن ان-148 جولاۋشىلار ۇشاعى كوپ ۇزاماي راداردان جوعالىپ كەتتى. كەيىن ۇشاق قالدىقتارى ماسكەۋ وبلىسىنىڭ رامەنسك اۋدانىندا تابىلعانى انىقتالدى.  «ساراتوۆ اۋە جەلىلەرى» كومپانياسىنا تيەسىلى ۇشاقتىڭ بورتىندا 65 جولاۋشى مەن 6 ەكيپاج مۇشەسى بولعان. ولاردىڭ بارلىعى قازا تاپتى.