پاۆلودار پوليسياسى وبلىس ورتالىعىنان ونداعان شاقىرىم قاشىقتىقتا جولدا تۇرىپ قالعان اۆتوبۋستاعى جولاۋشىلارعا كومەكتەستى، دەپ حابارلايدى جەرگىلىكتى ب ا ق.
اۆتوبۋس ىشىندە وزبەكستاننىڭ 55 ازاماتى بولعان. ولاردىڭ ءبارى رەسەيگە جولعا شىققان. وبلىستىق ىشكى ىستەر دەپارتامەنتىنىڭ حابارلاۋىنشا، ءجول-پاترۋلدى پوليسيا قىزمەتكەرلەرى جولدا تۇرىپ قالعان اۆتوبۋستى دوستىق اۋىلىنىڭ ماڭىنان تاپقان.
پوليسيا قىزمەتكەرلەرى جولاۋشىلاردى اۋىلداعى مەكتەپكە جەتكىزىپ، ولاردى جىلىتىپ، ىستىق تاماق بەرگەن. وزبەكستان ازاماتتارى باسقا اۆتوبۋسپەن رەسەيگە قاراي قايتا جولعا شىققان. ولاردى رەسەي شەكاراسىنا دەيىن جەتكىزىپ سالعان. ءارى قاراي ميگرانتتار رەسەيلىك اۆتوبۋسقا وتىرعان.
جىل باسىنان بەرى پاۆلودار وبلىسىندا وسىمەن ءۇشىنشى رەت رەسەيگە بارا جاتقان اۆتوبۋس بۇزىلىپ، جولاۋشىلار جەدەل قۇتقارىلعان.
پىكىر قالدىرۋ