اتاقتى، ابىرويى شاشاقتى، موينى جۋان، قولدارى بىرتيعان ميللياردەر وققاعارلارىمەن بىرگە گولليۆۋد اكتريساسى، پورنو جۇلدىز باي لينن جاتقان قوناق ءۇيدىڭ ليۋكس بولمەسىنە كىرىپ كەلدى. كەلگەن بويدا:
–بىزبەن بىرگە ءجۇرىڭىز! –دەپ بۇيىردى. اۋدارماشى جىگىت اۋزى–باسىن قيساڭداتىپ سويلەپ، ءتارجىمالاپ بەردى.
–قايدا؟ –دەپ سۇرادى وسكەمەنگە گولليۆۋد اكتەرلەرىمەن بىرگە دەرەكتى فيلم تۇسىرۋگە كەلگەن شەتەلدىك پورنو–جۇلدىز، اتاقتى، الەمدىك جالاڭاش قىز.
–ءبىزدىڭ تويعا. قوناق بولاسىز!
–جو–جوق، راحمەت، كەشە عانا مەشىتكە بارعان ەدىك، قازاقتار كوشەدە بولسىن، قوناق ۇيدە بولسىن، بەتىمە تۇكىرىپ جاتىر، تۇكىرىپ جاتىر! تۇكىرىكتەرى تاۋسىلمايدى ەكەن؟
–ءبىز تۇكىرمەيمىز! ءبىز ماقتانشاق قازاقتارمىز!
–اكىمدەرىڭىزدەن رۇقسات سۇراڭىزدار!
–توي اكىمنىڭ تويى ەمەس!
–بارمايمىن...
–مەشىت مولداسىمەن سۋرەتكە تۇسكەندە، قۇران وقىلىپ، قول جايعاندا پالەدەيسىز! بالامنىڭ ۇيلەنۋ تويىنا نەگە بارمايسىز؟
–مەن ءسىزدى تانىمايمىن! دوستارىممەن اقىلداسايىن؟
–ءبىزدى اقشا تانىستىرادى! ءبىر ميلليون دوللار جەتە مە؟
باي ءليننىڭ كوزدەرى ويناپ كەتتى، «نە دەگەن اقىماق قازاق؟» دەگەن وي ساناسىنا بويلاپ كەتتى. ەرنىن تىستەلەپ، ەرىنە سويلەدى.
–تويعا بارامىن دا، ءجاي وتىرامىن با؟ –دەپ سۇرادى سوسىن.
–جارتىلاي جالاڭاش وتىراسىز. قۇداعيىمنىڭ قاسىندا. سوسىن قازاقتىڭ جالاڭاشتانعان قىزدارىمەن ستريپتيز بيلەيسىز، جارىساسىز! –دەدى ميللياردەر. اۋدارماشى جىگىت ءتارجىمالاپ ەدى، باي لينن جىميدى:
–وو، سىزدەردە دە پورنو جۇلدىزدار بار ما ەدى؟
–جابايى جۇلدىزدار كوپ. سوسىن ەرتەڭىنە قۇدالىقتا بولاسىز. سوسىن ءبىر تۋىسىم بالاسىنا سۇندەت توي جاسايدى، سوعان قاتىسىپ، ءبىر اي بويى ۇيلەنۋ، اجىراسۋ، تۇشكىرۋ 50، 51، 52، 53 ،54، 55، 56، 57، 58، 59، 60 جاس مەرەي تويلارىنا باراسىز! ءبىز ءسىز كەتكەن سوڭ ماقتاناتىن بولامىز! «ءبىزدىڭ تويلارعا گولليۆۋد جالاڭاشى باي ءلينننىڭ ءوزى قاتىسىپ، قۋىرىلعان بالىق جەدى!» دەپ...
–تويىڭىزدا مولدالار بولادى ما؟
–مولدادا باسىڭ، توسەگىڭدە شاشىڭ قالسىن! –دەدى ميلليونەر ىڭىرانا سويلەپ، –مەشىت مولداسى ساعان كوزىنىڭ قيىعىمەن قاراپ سۋرەتكە تۇسكەن ەكەن، باسى پالەگە قالدى! ونىڭ قانداي جازىعى بار؟ سەنىڭ كەسىرىڭنەن «ءبىسسىمىللاسىن» ۇمىتىپ قالا جازدادى!
–قۇداعي دەگەن نە؟ –دەپ سۇرادى باي.
–قۇداعي دەگەن قۇداعي! قۇدانىڭ قاتىنى.
–ال، قۇدا دەگەن نە؟
–ول قۇداعيدىڭ بايى!
–و، قۇدانىڭ قاسىندا وتىرامىن!
–ەكەۋىنىڭ ورتاسىنا!
توي باستالعاننان قۇداعي جانىندا جارتىلاي جالاڭاش وتىرعان باي ءليندى جاقتىرمادى. ال، قۇداسىنىڭ جانى كىرىپ، جىرتاڭ–جىرتاڭ ەتەدى. ءبىر كەزدە قىزعانىشتان جارىلعان قۇداعي پورنو–جۇلدىزدىڭ بەتىنە ءبىر كەسە ىستىق ءشاي شاشىپ جىبەردى. ونىمەن قويماي، مۇرنىنا مەيىز تىقتى. قۇلاعىنا سالات سالدى. اۋدارماشى جىگىت ساسىپ قالىپ:
–ءبىزدىڭ ەلدىڭ ءداستۇرى عوي. سىزگە دەگەن قۇرمەتى، –دەپ جىميعان بولدى. قۇداعي قاراپ تۇرمادى، پورنو–جۇلدىزدىڭ شاشىن تاراپ تۇرمادى. شاشىنان سۇيرەپ، ورتاعا الىپ شىقتى دا، بيىكتىگى التى مەتر كەلەتىن الىپ تورتتىڭ ىشىنە سۇڭگىتىپ جىبەردى! سول تورتقا مالىنعان كۇيىندە جالاڭاش قىزدى ءولتىرىپ المايىق دەدى مە، ميللياردەردىڭ وق قاعارلارى قوناق ۇيگە اپارىپ تاستادى. باي لينن جىلاپ وتىر، جانىنداعى دوستارى ۇستىندەگى تورتتان جالاپ وتىر... ەندى ءبىرى ءبىر ميلليون دوللاردى ساناپ وتىر... و، ماقتانشاق قازاق، مەشىتىڭدى شايتاننان تازالا!
مۇحتار شەرىم
