ق ر اقپارات جانە كوممۋنيكاسيالار ءمينيسترى داۋرەن ابايەۆ مەملەكەت باسشىسى نۇرسۇلتان نازاربايەۆتىڭ ۇكىمەت پەن پارلامەنتكە جۇمىستارىن قازاق تىلىندە وتكىزۋگە قاتىستى تاپسىرماسىن ءتۇسىندىرىپ بەردى. بۇل تۋرالى Qamshy.kz اقپارات اگەنتتىگى قازاقپاراتتىڭ مالىمەتىنە سۇيەنىپ حابارلايدى.
ءمينيستردىڭ ايتۋىنشا، ۇكىمەتتە ورىس تىلىندە سويلەۋگە ەشكىم تىيىم سالماعان.
–مەنىڭ تۇسىنۋىمشە، مەملەكەت باسشىسى ۇكىمەت پەن پارلامەنتتە ءبىز مەملەكەتتىك تىلگە كوشەتىنىمىزدى ايتقىسى كەلدى. مەنىڭ ويىمشا، بۇل مەملەكەتتىك ءتىلدى مەڭگەرۋ سالاسىنا قاتىستى سۇراق. ءبىز ۇكىمەت پەن پارلامەنتتە قازاق تىلىندە سويلەيتىندەي جاعدايعا كوشۋىمىز كەرەك. ءبىراق، «تەك قانا» دەگەن ءسوز مەنىڭ بىلۋىمشە ايتىلماعان. دەمەك، بۇل قازاقستاننىڭ ءاربىر ازاماتىنىڭ مەملەكەتتىك ءتىلدى مەڭگەرۋ دەڭگەيىنە بايلانىستى، – دەيدى مينيستر.
داۋرەن ابايەۆ ءوز سوزىندە ەگەر ۇكىمەت مۇشەسى ءوز ويىن ورىس تىلىندە جەتكىزۋگە قۇلىقتى بولسا، ورىسشا سويلەۋىنە بولاتىنىن اتاپ ءوتتى.
سونىمەن قوسا، مينيستر وتىرىستارعا قاتىساتىن تىلشىلەرگە سينحروندى اۋدارما ازىرلەنگەندىگىن، ال ونلاين-كورىلىمدەگى كورەرمەندەر ءۇشىن مۇنداي اۋدارما قاراستىرىلماعانىن تىلگە تيەك ەتتى. وسىعان بايلانىستى ب ا ق وكىلدەرى «ورىس تىلىنە اۋدارما جۇمىسى قاراستىرىلا ما؟» دەگەن ساۋال قويدى.
–مەنىڭ ويىمشا، بۇل اسا كۇردەلى ماسەلە ەمەس. ونى قاراستىرۋعا بولادى. سىزدەر رەپورتاج جاساپ، مينيسترلەر ايتقان ويدى حالىققا جەتكىزە الادى دەپ ويلايمىن، – دەدى داۋرەن ابايەۆ.
