ق ر ءبىلىم جانە عىلىم ءمينيسترى ەرلان ساعادييەۆ كەلەسى ۇكىمەت وتىرىسىندا تازا قازاق تىلىندە بايانداما جاساۋعا ۋادە بەردى، دەپ حابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى.

 «95 پايىز قازاقشا بولدى (بۇگىنگى ۇكىمەت وتىرىسىنداعى بايانداماسى - اۆت.) ەندى ءقازىر ونىڭ ءبارىن جاساپ جاتىرمىن. كەلەسىدە 100 پايىز قازاقشا جاسايمىن»، - دەدى ول ۇكىمەت وتىرىسىنان كەيىن ب ا ق وكىلدەرىنىڭ سۇراعىنا جاۋاپ بەرىپ.

ەرلان ساعادييەۆ سونىمەن بىرگە 2020 جىلى مەكتەپتەردە ەنگىزىلگەلى وتىرعان «ءنولىنشى» سىنىپ تۋرالى ايتىپ بەردى.

«2020 جىلى ءنولىنشى سىنىپ ەنگىزىلەدى. دايىندىق بارىسى ايتىلدى. ەكى جىلدىڭ ىشىندە ءنولىنشى سىنىپتى ەنگىزەمىز. ءقازىر كوپشىلىك بالاباقشالاردا، مەكتەپتەردە بار (ءنولىنشى سىنىپ - اۆت.) 85 پايىز ءنولىنشى سىنىپتار قازىرگى ۋاقىتتا بالالار وقىپ جاتىر. جوسپارىمىز - 100 پايىز بالالاردى وتكىزۋ. ول بىرىنشىدەن. ەكىنشىدەن ءبىرىڭعاي باعدارلاماسىن ەنگىزۋ. كوپ وزگەرىس جوق، تەك قانا ءالىپبي لاتىن تىلىندە باستالادى. ەڭ الدىمەن الىپپەنى قابىلدادىق. ەندى وقۋلىقتاردى دايىنداۋ كەرەك. ونى ساراپتامادان وتكىزىپ، سودان كەيىن اپروباسياعا كىرىسەمىز»، - دەدى مينيستر.