ت. جۇرگەنوۆ اتىنداعى قازاق ۇلتتىق ونەر اكادەمياسى جانە «كەنەن ازىربايەۆ اتىنداعى كوممەرسيالىق ەمەس قورى» 2018 جىلدىڭ 6 ناۋرىزىندا «جاس ەكپىن»  جاس ونەرپازدار رەسپۋبليكالىق كونكۋرسىنا ارنالعان باسپا ءسوز كونفەرەنسياسىن وتكىزەدى، دەپ حابارلايدى Qamshy.kz اقپارات اگەنتتىگى.  

باسپا ءسوز كونفەرەنسياسىنىڭ ماقساتى - عاسىرلار بويى ۇرپاقتان ۇرپاققا امانات مۇرا بولىپ جەتكەن حالقىمىزدىڭ ءداستۇرلى ان-كۇي سالاسىنداعى اسىل قازىناسىن جان-جاقتى ناسيحاتتاۋ، حالىق كومپوزيتورلارىنىڭ ان-كۇيلەرىن، تەرمە-جىرلارىن جاس ۇرپاقتىڭ ساناسىنا ءسىڭىرىپ، بۇگىنگى كۇننىڭ تالابىنا ساي تاربيەلەۋ. اسىرەسە، قازاق حالقىنىڭ انشىلىك-كۇيشىلىك ءداستۇرىن (مەكتەبىن)، ورىنداۋشىلىق ەرەكشىلەكتەرىن دارىپتەپ وتىرىپ، جاس تالانتتاردى ىزدەپ تابۋ، بولاشاق ۇرپاقتىڭ بويىندا تۋعان ەلدىڭ ونەرىنە، وتكەنىنە دەگەن قۇرمەت، سەزىمىن قالىپتاستىرۋ بولماق. 

باسپا ءسوز كونفەرەنسياسىنا قازاقستاننىڭ ەڭبەك سىڭىرگەن ءارتىسى، «ءداستۇرلى مۋزىكالىق ونەر» كافەدراسىنىڭ مەڭگەرۋشىسى رامازان ستامعازييەۆ، «ءداستۇرلى مۋزىكالىق ونەر» كافەدراسىنىڭ دوسەنتى مۇرات ءابۋعازى، كەنەن اندەرىنىڭ ناسيحاتشىسى، «ءداستۇرلى مۋزىكالىق ونەر» كافەدراسىنىڭ ۇستازى شولپان دارجانوۆا، «ءداستۇرلى مۋزىكالىق ونەر» كافەدراسىنىڭ ۇستازى نۇرجان جانپەيىسوۆ جانە «كەنەن ازىربايەۆ اتىنداعى كوممەرسيالىق ەمەس قورىنىڭ» وكىلدەرى جانە قور دەمەۋشىلەرى قاتىسادى.