اتموسفەرالىق فرونتتاردىڭ وتۋىنە بايلانىستى 6 ناۋرىزدا قازاقستاننىڭ باسىم بولىگىندە جاۋىن-شاشىن جاۋىپ، جەل كۇشەيەدى. بۇل تۋرالى «قازگيدرومەت» رمك حابارلادى.

قازاقستاننىڭ وڭتۇستىگىندە دابىلدى ەسكەرتۋ جاريالاندى:  6 ناۋرىزدا جامبىل وبلىسىندا وڭتۇستىك-باتىس، باتىس جەلى سوعادى، كۇشى كەي جەرلەردە 15-20، ەكپىنى 23-28 م/س، كۇندىز وبلىستىڭ وڭتۇستىك-باتىسىندا 30 م/س اسادى.

تاراز قالاسىندا وڭتۇستىك-باتىس، باتىس جەلىنىڭ ەكپىنى 15-20، كەي ۋاقىتتا 23-28 م/س بولادى دەپ كۇتىلەدى.

وڭتۇستىك قازاقستان وبلىسىندا كۇندىز جاڭبىر، ال تاۋلى ايماقتاردا قاتتى جاڭبىر كۇتىلەدى. كۇندىز كەي جەرلەردە نايزاعاي بولادى. وڭتۇستىك-باتىس، باتىس جەلى سوعادى، كۇشى تۇندە كەي جەرلەردە 15-20 م/س، كۇندىز 15-20، تاۋلى ايماقتاردا 30 م/س جەتەدى. 

5-7 ناۋرىزدا الماتى، جامبىل، وڭتۇستىك-قازاقستان، قىزىلوردا وبلىستارى بويىنشا كەي جەرلەردە قاتتى جاۋىن-شاشىن بولادى. وسىعان بايلانىستى، مۇز ەرىپ، تاۋلى وزەندەردە سۋ دەڭگەيى كوتەرىلىپ، جايىلماعا شىعۋى مۇمكىن. 

سولتۇستىك قازاقستان، اقمولا، شىعىس قازاقستان وبلىستارىندا جەلدىڭ ەكپىنى سەكۋندىنا 23-28 مەتر، كۇندىز كەي جەرلەرىندە 30 م/س جانە ودان جوعارى جىلدامدىقتا بولاتىنى بولجانادى. سونداي-اق تۇمان، كوكتايعاق كۇتىلەدى. 

 قاراعاندى وبلىسىندا 15-20 م/س ەكپىندەگى جەلدىڭ كۇشى 25 م/س جەتەدى. كەي جەرلەرىندە بۇرقاسىن، تۇمان، كوكتايعاق بولادى. 

 پاۆلودار وبلىسىنىڭ كەي جەرلەرىندە بۇرقاسىن، تۇمان، كوكتايعاق بولادى، كۇندىز باسىم بولىگىندە جەلدىڭ كۇشى 23-28 م/س جەتەدى. 

قوستاناي، اقتوبە وبلىستارىندا جەلدىڭ ەكپىنى 23-28 م/س ارتادى. كەي جەرلەرىندە بۇرقاسىن، تۇمان، كوكتايعاق بولجانادى. 

ماڭعىستاۋ وبلىسىنىڭ كەي جەرلەرىندە تۇمان كۇتىلەدى، جەل 15-20 م/س دەيىن كۇشەيەدى، تۇندە - جاياۋ بۇرقاسىنمەن. 

باتىس قازاقستان وبلىسىنىڭ كەي جەرلەرىندە تۇمان، كوكتايعاق بولادى، جەلدىڭ كۇشى 15-23 م/س ارتادى. باتىس قازاقستان وبلىسىندا سونداي-اق بۇرقاسىن بولجانادى.