حاباروۆسك قالاسىنىڭ شەتىنەن 26 ادامنىڭ شابىلعان قولى سالىنعان قاپ تابىلدى، – دەپ حابارلايدى جەرگىلىكتى Qamshy.kz اقپارات اگەنتتىگى DVHab.ru باسىلىمىنىڭ دەرەگىنە سۇيەنىپ.

قاپتىڭ جانىنان بينتتەر مەن باحيلدەر دە تابىلعان، سول سەبەپتى تەرگەۋشىلەر مەديسينالىق مەكەمە بيوماتەريالداردى وسىندا لاقتىرعان دەگەن بولجام ايتىپ وتىر.

قۇقىق قورعاۋ ورگاندارى انىقتاعانداي، قولداردىڭ ءبارى شابىلعان. ساۋساق ىزدەرى بويىنشا ساراپتاما جاسالدى. تولىعىراق اقپارات قاتاڭ تۇردە قۇپيا ساقتالادى.

پوليسەيلەر سول ماڭدى زەرتتەپ، تۇرعىنداردان جاۋاپ الىپ جاتىر. جەرگىلىكتى بالىقشىلار كۇدىك تۋعىزاتىنداي ەشتەڭە بايقاماپتى.

كەيىنىرەك رەسەيدىڭ تەرگەۋ كوميتەتى وسى دەرەككە قاتىستى مالىمەت بەردى.

«تابىلعان بيولوگيالىق نىسانداردىڭ (ادام قولى) قىلمىسقا ەشقانداي قاتىسى جوق، ءبىراق بۇلاي لاقتىرىلۋى زاڭعا قايشى كەلەدى. تەرگەۋشىلەر وقيعانىڭ ءمان-جايىن انىقتاپ جاتىر»، — دەلىنگەن ۆەدومستۆو حابارلاماسىندا.