ءبىر تال گۇل، ءالى ەرتەرەك...
كولەڭكەسى پانا بولىپ ءبىر تالدىڭ،
جاپان تۇزدە ءوسىپ تۇردى ءبىر تال گۇل.
ءوسىپ تۇردى ەمىن ەركىن ءبىر تال گۇل،
انا ءبىر تال، ەتەگىندە ءبىر تاۋدىڭ:
...ءبىر تال گۇل، جەلدىڭ وتىندە،
ءبىر تال گۇل، دوڭەس بەتىندە.
ءبىر تال گۇل، تۇندە توڭا ما،
ءبىر تال گۇل، جالعىز بولا ما؟
ءبىر تال گۇل، جالعىز مۇڭايىپ،
مىنەزبەن سوعان لايىق،
تۇندەر دە قاتتى قورقا ما،
كوڭىلى ونىڭ ورتا ما؟
عاشىق بوپ، العا كىم قۇلار،
ءبىر تال گۇل، سەنى، كىم جۇلار؟
جۇلماشى، ادام، جالىنام،
وسىنى ويلاپ، قامىعام...
ءبىر تال گۇل، جالعىز تەربەلىپ،
دالاما عاجاپ ءوڭ بەرىپ،
ەركەلەپ تۇر ما، ەركەلەپ،
ءبىر تال گۇل، ءالى ەرتەرەك...
قىزعالداق — گۇلدىڭ ەركەسى!
دەمىڭمەن مەنى ورتەشى،
مەندەگى ءقازىر سەرت وسى.
قىزعالداق گ ۇلى دالانىڭ -
تابيعات-انا ەركەسى.
قيالىم با ەكەن باستاعى،
ويىمدى قايدا باستادى؟
قىزعالداق گ ۇلى دالانىڭ:
نە اپپاق، قىزىل، ساپ-سارى.
اپپاعى - تازا ارىڭداي،
قىزىلى - ورتەر جالىنداي.
سارىسى بولسا - ساعىنىش،
ساعىنىپ، كۇتكەن جانىمداي.
دالامنىڭ گ ۇلى - قىزعالداق،
سالاتىن قىزداي، ءبىز قارماق.
قىزعالداق قىزعا ۇقساسا،
قىزعانباق كەرەك، قىزعانباق.
قىزعالداق - قىردىڭ ەركەسى،
كۇيدىرىپ، ياكي، ورتەشى!
ەنتىگىپ، ازەر باسىلىپ،
تۇرعانداي اققۋ ءور ءتوسى...
ۋاقىت تا ءقازىر ۇزارىپ،
عاشىق بوپ تۇرمىز ءبىز انىق.
قىزعالداق - قازاق قىزىنداي،
قىزىرىپ كەتكەن، قىزارىپ...
ءسۇيۋ ءۇشىن جارالعان...
الاتاۋدىڭ باسىندا قار جاتقانمەن،
ەتەگىندە گۇل كوكتەم.
ءار كۇن سايىن ارايلاپ تاڭ اتقانمەن،
ساۋلاپ تۇر-اۋ جىر كوكتەن...
تۇنەرگەنمەن الاتاۋدىڭ شىڭدارى،
ەتەگىندە ارۋلار.
جۇرەگىمنىڭ ءۇنىن كوكتەم تىڭدادى،
باسىلمايتىن جالىن بار.
گۇل جايناعان بار ارۋدىڭ ارمانى،
ءسابي ءسۇيۋ ەكەن-اۋ.
ءار جىگىتتىڭ اڭساپ سۇيگەن ارداعى،
كوپ كۇتتىرسە، بەكەر-اۋ...
بار عاشىقتار، الاتاۋدان ۇيرەنگەن،
تۇرادى ولار قاسقايىپ.
اقىرىندا شىن سۇيگەندەر - ۇيلەنگەن،
سۇيگەندەرى – «باستى ايىپ»...
مەن قازاقتىڭ ارۋلارىن ايالاپ،
سۇيگەندەرگە ىرزامىن.
عاشىقتارعا ءوز ۇيلەرى - سايا ب ا ق،
عاشىقتىقتى جىرلادىم.
گۇلدەي كوركەم ءبىزدىڭ قازاق قىزدارى،
ءسۇيۋ ءۇشىن جارالعان.
ساعىنىشتان، جۇرەك بىتكەن سىزدادى،
عاشىقتىقتان ءنار العان...
جۇماش كەنەباي،
8 ناۋرىز 2018 جىل.
