11 ناۋرىزدا پەكيندە جالپىقىتايلىق جينالىسىنىڭ 13 شاقىرىلىمى ءوتتى. اتالعان جيىندا قحر كونستيتۋسياسىنا وزگەرىس ەنگىزۋ جوباسى ماقۇلداندى دەپ حابارلايدى Qamshy.kz اقپارات اگەنتتىگى. 

باسقارۋشى كوممۋنيستىك پارتياسى ءبىر اي بۇرىن كونستيتۋتسياعا وزگەرىس ەنگىزىلەتىنىن مالىمدەگەن بولاتىن. قحر كونتيتۋتسياسىنا وزگەرىس ەنگىزىلەتىنىنە ەشكىمنىڭ كۇمانى بولمادى. سەبەبى پارتيا مۇشەلەرى بۇل ۇسىنىسقا قارسىلىق بىلدىرمەگەن بولاتىن.

داۋىس بەرۋگە 3000-عا جۋىق حالىق قالاۋلىلارى قاتىسقان. تەك ەكى ادام قارسى شىعىپ، 3 ادام داۋىس بەرۋدەن باس تارتتى.

سونىمەن بىرگە قحر نەگىزگى زاڭىنا سي سزين ءپيننىڭ جاڭا داۋىردەگى قىتايلىق ەرەكشەلىكتەرى بار سوسياليزم، جۇڭگو ۇلتىنىڭ ۇلى جاڭعىرۋىنا قول جەتكىزۋ جانە ەكووركەنيەتتىك قۇرىلىس تۇسىنىگى تۋرالى يدەيالارى ەنگىزىلەدى.

جاڭا تۇزەتۋلەر بويىنشا، مەملەكەتتىك قىزمەتشىلەر قىزمەتكە كىرىسپەس بۇرىن حالىق الدىندا انت بەرەدى. تاعى دا ايتا كەتەرلىگى قحر مەملەكەتتىك ورگاندار جۇيەسىن باقىلايتىن ۇلتتىق كوميسسيا ەنگىزىلەدى.

قحر ءتوراعاسى مەن ءتوراعا ورىنباسارى ەكى مەرزىمنەن ارتىق بيلىكتە بولۋعا تىيىم سالاتىن زاڭ تارماعى الىنىپ تاستالدى. بۇل وزگەرىس سي سزينپين 2023 جىلدان كەيىن دە ەل باسقارۋى مۇمكىن ەكەنىن كورسەتەدى.