اقىن، دراماتۋرگ نۇرلان ورازالين XV قۇرىلتايدا قازاقستان جازۋشىلار وداعىنان كەتەتىنىن مالىمدەدى دەپ حابارلايدى Qamshy.kz اقپارات اگەنتتىگى. 

نۇرلان ورازالين جازۋشىلار وداعىندا 18 جىل قىزمەت ەتتى. جازۋشى 2002 جىلى قازاقستان مەملەكەتتىك سىيلىعىنىڭ لاۋرەاتى اتاندى. 1998 جىلى قازاقستاننىڭ ەڭبەك سىڭىرگەن قايراتكەرى اتاعىن الدى. الماتى وبلىسىنىڭ قۇرمەتتى ازاماتى اتاندى. 

• نۇرلان مىرقاسىم ۇلى ورازالين 1947 جىلى 13 ماۋسىمدا الماتى وبلىسى ۇيعىر اۋدانى ديقان اۋىلىندا دۇنيەگە كەلگەن.
• 1965 جىلى مەكتەپتى كۇمىس مەدالمەن ءبىتىردى.
• 1965 - 1970 جىلدارى ءال-فارابي اتىنداعى قازاق ۇلتتىق ۋنيۆەرسيتەتىنىڭ (بۇرىنعى س.م.كيروۆ اتىنداعى مەملەكەتتىك ۋنيۆەرسيتەتى) فيلولوگيا فاكۋلتەتىن بىتىرگەن.
• 1970 جىلى ەڭبەك جولىن "قازاقستان پيونەرى" (قازىرگى "ۇلان") گازەتىندە ادەبي قىزمەتكەر بولىپ جۇمىس ىستەدى.
• 1972-1984 جىلدار ارالىعىندا قازاقستان رەسپۋبليكاسى مادەنيەت مينيسترلىگىنىڭ رەپەرتۋارلىق-رەداكسيالىق كوللەگياسىندا رەداكتور، اعا رەداكتور، باس رەداكتور قىزمەتتەرىن اتقاردى.
• 1984-1986 جىلداردا رەسپۋبليكالىق قۋىرشاق تەاترىنىڭ ديرەكتورى بولدى.
• 1986 جىلى قازاقستان تەاتر قايراتكەرلەرى وداعىنىڭ I سەزىندە وداق باسقارماسىنىڭ ءبىرىنشى سەكرەتارى بولىپ سايلاندى.
• 1986 جىلى وتكەن كسرو تەاتر قايراتكەرلەرى وداعىنىڭ I سەزىندە باسقارما قۇرامىنا ەندى.
• 1990 جىلدار ارالىعىندا قازاق كسر جوعارعى كەڭەسى XII شاقىرىلۋىنىڭ دەپۋتاتى بولدى (ۇلت ساياساتى، مادەنيەت پەن ءتىلدى دامىتۋ جونىندەگى كوميتەت ءتوراعاسىنىڭ ورىنباسارى قىزمەتىن اتقاردى).
• 1991 جىلداردا كسرو جوعارعى كەڭەسىنىڭ جوعارعى پالاتاسىندا عىلىم، ءبىلىم جانە مادەنيەت كوميتەتى ءتوراعاسىنىڭ ورىنباسارى.
• 1993-1996 جىلدار ارالىعىندا "ەگەمەن قازاقستان" گازەتىنىڭ باس رەداكتورى قىزمەتتەرىن اتقاردى.
• 1996 جىلى قازاقستان جازۋشىلارىنىڭ XI سەزىندە وداق باسقارماسىنىڭ ءبىرىنشى سەكرەتارى بولىپ سايلاندى.
• 2002 جىلى قازاقستان جازۋشىلارىنىڭ XII سەزىندە قازاقستان جازۋشىلار وداعى باسقارماسىنىڭ ءتوراعاسى بولىپ قايتا سايلاندى.