ەگيپەتتىك تەلجۇرگىزۋشى تىكەلەي ەفير كەزىندە اتەيستپەن جانجالداسىپ قالدى، دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ. بۇل ۆيدەو الەۋمەتتىك جەلىدە قىزۋ تالقىلانىپ جاتىر.
ەگيپەتتىك جاس جىگىت باعدارلاما كەزىندە ءوزىنىڭ اتەيست ەكەنىن، قۇدايدىڭ بارىنا سەنبەيتىنىن ايتقان. اتالعان باعدارلاماعا ءدىن وكىلى دە قاتىسقان.
اتەيست ءوزىنىڭ قۇدايسىز دا قوعامعا پايداسىن تيگىزە الاتىنىن ايتقان كەزدە يمام ودان نە ءۇشىن اتەيست بولعانىن سۇرايدى. ال الگى جىگىت قۇدايدىڭ بار ەكەنى عىلىمي تۇرعىدا دالەلدەنبەگەنىن تىلگە تيەك ەتكەن. وسى كەزدە تەلەجۇرگىزۋشى اشۋىن تىزگىندەي الماي، اتەيستى ستۋديادان قۋىپ جىبەرەدى.
