مەملەكەت باسشىسى گەرمانيا فەدەراتيۆتىك رەسپۋبليكاسىنىڭ كانسلەرى لاۋازىمىنا قايتا سايلانعان انگەلا مەركەلدى قۇتتىقتادى.
«وتكەن پارلامەنتتىك سايلاۋداعى جەڭىسىڭىز – گەرمانيا ازاماتتارىنىڭ سىزگە، سونداي-اق گەرمانيا فەدەراتيۆتىك رەسپۋبليكاسىنىڭ ەۋروپاداعى جانە الەمدەگى ورنىن نىعايتۋعا، ەلىڭىزدىڭ الەۋمەتتىك-ەكونوميكالىق احۋالىن جاقسارتۋعا باعىتتالعان ساياساتىڭىزعا دەگەن سەنىمىنىڭ دالەلى.
ءسىزدىڭ باسشىلىعىڭىزبەن گەرمانيانىڭ جاڭا فەدەرالدىق ۇكىمەتى قازاقستان مەن گەرمانيا اراسىنداعى ءوزارا ءتيىمدى ىنتىماقتاستىقتى ودان ءارى دامىتا تۇسەدى دەپ سەنەمىن.
سىزگە وسى جاۋاپتى قىزمەتتە تابىس تىلەيمىن، سونداي-اق بارشا گەرمانيا حالقىنىڭ وسىپ-وركەندەۋىنە نيەتتەستىك بىلدىرەمىن»، – دەلىنگەن جەدەلحاتتا.
ايتا كەتەيىك، گەرمانيادا بۋندەستاگ دەپۋتاتتارى سارسەنبى كۇنى حريستيان-دەموكراتيالىق وداعىنىڭ ليدەرى (حدو) انگەلا مەركەلدى گەرمانيا كانسلەرلىگىنە سايلادى. وسىلايشا، مەركەل ءتورتىنشى رەت قاتارىنان گفر كانسلەرى بولىپ سايلاندى.
