ءىس-شاراعا قازاقستان رەسپۋبليكاسى جوعارعى سوتىنىڭ جانىنداعى سوت تورەلىگى اكادەمياسىنىڭ كافەدرا مەڭگەرۋشىسى ت.ق.بۋربايەۆ، ق ر ۇلتتىق ەكونوميكا مينيسترلىگى ماكروەكونوميكالىق تالداۋ جانە بولجامداۋ دەپارتامەنتى ديرەكتورىنىڭ ورىنباسارى ا.و. احمەتوۆ، ق ر ۇلتتىق ەكونوميكا مينيسترلىگى ماكروەكونوميكالىق تالداۋ جانە بولجامداۋ دەپارتامەنتىنىڭ باسقارما باسشىسى م.ا. ن.ا. شايماحانوۆ، ق ر ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى گ.ا. سەرالين، سونىمەن قاتار، قازاقستان رەسپۋبليكاسىندا تىركەلگەن ءدىني بىرلەستىكتەردىڭ باسشىلارى جانە وكىلدەرى قاتىستى.
جيىننىڭ كۇن تارتىبىنە سايكەس قازاقستان رەسپۋبليكاسى پرەزيدەنتى ن.ا. نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى ۇندەۋى تالقىلاندى.
ە. وڭعاربايەۆ ءوز سوزىندە «بەس الەۋمەتتىك باستامالار ناقتى ماقساتتار مەن انىق كورسەتكىشتەرى بار ناقتى الەۋمەتتىك باعدارلاما. ەلباسىمىزدىڭ باستامالارى وتاندىق ەكونوميكانىڭ ناقتى ەسەپتەلگەن مۇمكىندىكتەرىنە نەگىزدەلگەن، شىنايى بولىپ تابىلادى» - دەپ اتاپ ءوتتى.
ءدىني بىرلەستىكتەردىڭ باسشىلارى پرەزيدەنتتىڭ الەۋمەتتىك باستامالارىن قولداي وتىرىپ، بۇل ۇندەۋدى مەملەكەت باسشىسىنىڭ تاريحي شەشىمى رەتىندە مويىندادى جانە بۇل بۇكىل قازاقستاندىق قوعامنىڭ مۇددەسىن ەسكەرەتىن ۋاقتىلى، تۇراقتى، ناقتى، وبەكتيۆتى ەكەنىن ايتتى.
جيىننىڭ قاتىسۋشىلارى حالىقتىڭ ءال-اۋقاتىن جاقسارتۋعا باعىتتالعان ەلباسىنىڭ باستاماسىن قولدادى.
استانا شىركەۋىنىڭ پروتوپريەستى بايدەكتىڭ ايتۋىنشا «بەس الەۋمەتتىك باستامالار»، ول ءبىرىنشى كەزەكتە كونفەسسياارالىق كەلىسىم مەن بىرلىككە نەگىزدەلگەن، ءبىزدىڭ تاۋەلسىز مەملەكەتىمىزدىڭ پروگرەسسيۆتى دامۋىنىڭ كورسەتكىشى بولىپ تابىلادى.
سونداي-اق «قازاقستاننىڭ ءدىني بىرلەستىكتەرىنىڭ اسسوسياسياسىنىڭ» زاڭدى تۇلعالار بىرلەستىگىنىڭ باسشىسى ا.ۆ. كليۋشيەۆ «بەس الەۋمەتتىك باستامالار» - مەملەكەتتى ودان ءارى الەۋمەتتىك دامۋ مەن جاڭعىرتۋعا باعىتتايتىن باعدارلاما، مەملەكەتتىڭ الەۋمەتتىك ساياساتىنىڭ جاڭا دەڭگەيگە شىعۋى. الەۋمەتتىك-ەكونوميكالىق ماسەلەلەردى شەشۋ قازاقستاندىقتاردىڭ ءومىر ءسۇرۋ ساپاسىن جاقسارتاتىنى ءسوزسىز».
سونىمەن قاتار، كەزدەسۋ بارىسىندا قازاقستاننىڭ ءدىني بىرلەستىكتەر وكىلدەرىنىڭ جيىنى اتىنان ناۋرىز مەيرامىن تويلاۋعا بايلانىستى قازاقستان حالقىنا قۇتتىقتاۋ حاتى قابىلداندى.
