تالدىقورعاندا وتكەن وتاندىق تاۋار وندىرۋشىلەرگە قولداۋ كورسەتۋ شەڭبەرىندە ساتىپ الۋ سالاسىنداعى جۇمىس كوميسسياسىنىڭ كەزەكتى وتىرىسىندا قاپشاعاي قالاسى مەن پانفيلوۆ اۋدانى اكىمدىكتەرىنىڭ جانە اۋىل شارۋاشىلىعى باسقارماسىنىڭ جەرگىلىكتى وندىرۋشىلەردى قولداۋ ماسەلەلەرى بويىنشا جۇمىس قورىتىندىلارى تىڭدالدى، دەپ جازادى Qamshy.kz اقپارات اگەنتتىگى.

كوميسسيا ءتوراعاسى، الماتى وبلىسى كاسىپكەرلەر پالاتاسىنىڭ ديرەكتورى ناريمان ءابىلشايىقوۆ اكىمدىكتەر مەن مەملەكەتتىك ورگاندار كاسىپكەرلەردەن ساتىپ الۋلار جونىندەگى اشىق اقپاراتتى جاريالامايتىنىنا نازار اۋداردى.

««اقپاراتقا قولجەتىمدىلىك تۋرالى» زاڭ بويىنشا كونكۋرستار، تەندەرلەر وتكىزۋ بويىنشا اقپاراتتاردى، اشىق كونكۋرستىق ساۋدا-ساتتىق، ساراپتاما جانە باسقا دا ءىس-شارالار مەن ولاردى وتكىزۋ شارتتارى جونىندە مالىمەتتەر ينتەرنەت-رەسۋرستاردا جاريالانۋى ءتيىس. پانفيلوۆ اۋدانى اكىمدىگى، اۋىل شارۋاشىلىعى باسقارماسى مەن قاپشاعاي قالاسى اكىمدىگىنىڭ سايتتارىنا جۇرگىزىلگەن ساراپتاما زاڭناماداعى تالاپتار ورىندالماعىنان كورسەتتى. سونىمەن بىرگە، رەسمي سايتتا قاجەتتى نەگىزگى ماتەريالدار، بۇيىمدار، قۇراستىرىلىمدار مەن قۇرالداردىڭ تىزىمدەمەسىن ورنالاستىرۋ بويىنشا تالاپتار ساقتالمايدى»، - دەپ اتاپ ءوتتى ناريمان ءابىلشايىقوۆ.

مەملەكەتتىك ورگاندار مەن اكىمدىكتەردىڭ جەرگىلىكتى قۇرامدى ارتتىرۋ بويىنشا جۇمىستارى دا جۇيەلى شارالاردى قولدانۋدى تالاپ ەتىپ وتىر. ماسەلەن، قاپشاعاي قالاسى اكىمىنىڭ ورىنباسارى اقتانبەردى قالقابايدىڭ سوزىنشە، 2017 جىلى جالپى سوماسى 4 ملرد اساتىن 767 كەلىسىم-شارت جاسالعان، ونداعى قازاقستاندىق قۇرام 38،5%ء-تى قۇراعان.

پانفيلوۆ اۋدانىندا قۇرىلىس-مونتاجداۋ جۇمىستارى بارىسىندا جەرگىلىكتى وندىرۋشىلەردەن 15%-كە جۋىق ينەرتتى ماتەريالدار، بەتون مەن سەمەنت قولدانىلاتىنى بەلگىلى بولدى.

«وتكەن جىلى پانفيلوۆ اۋدانىنداعى قۇرىلىس جۇمىستارى ءۇشىن ساتىپ الۋعا 5 216 751 ملن تەڭگە ءبولىندى. قۇرىلىس-مونتاجداۋ جۇمىستارى بويىنشا 40 اشىق كونكۋرس وتكىزىلگەن. مىسالى، باتىس ەۋروپا - باتىس جۇڭگو اۆتوجولىن سالۋ كەزىندە بەتوننىڭ 25%ء-ى جەرگىلىكتى زاۋىتتاردان الىندى»، - دەيدى اۋدان اكىمىنىڭ ورىنباراسى شۋحرات قۇربانوۆ.

اۋىل شارۋاشىلىعى باسقارماسى باسشىسىنىڭ ورىنباسارى قويىمجان وماروۆتىڭ ايتۋىنشا، سۋلاندىرۋ جۇيەلەرىن جوندەۋ، قايتا تۇرعىزۋ جۇمىستارىنا 2 ملرد تەڭگەدەن استام سومادا كونكۋرستار ءوتىپ، وندا قازاقستاندىق قۇرام 80%ء-تى كورسەتكەن. ونىمەن قوسا، وماروۆ اۋىل شارۋاشىلىعى ونىمدەرىن وندىرۋشىلەردىڭ باسىم بولىگى تىڭايتقىشتار مەن گەربيسيدتەردى شەتەلدەن ساتىپ الاتىنىن ايتتى. سەبەبى، قازاقستاندىق ونىمدەردىڭ ساپاسى رەسەيلىك، وزبەكستاندىق جانە ەۋروپالىق كومپانيالاردىڭ ونىمدەرىنەن تومەن بولىپ شىققان.

كوميسسيا وتىرىسىندا «مەمساراپتاما» رمك وبلىستىق فيليالىنىڭ وكىلدەرى «ArcellorMittal Tubular Product Aktau» اق قاتىستى جاعدايعا ءوز پىكىرلەرىن ءبىلدىردى. كاسىپورىن ەلەكترلى-پىسىرمەلى شيىرشىق-جىكتىك قۇبىرلاردى شىعاراتىن جالعىز قازاقستاندىق كومپانيا بولىپ تابىلادى. وسىعان دەيىن كاسىپورىن تالعار اۋدانىنىڭ اكىمدىگى سۋتاراتقىش ماگيسترالىن رەكونسترۋكسيالاۋ مەن قۇرىلىسىن جۇرگىزۋ جوباسىنا 10704-91 مەملەكەتتىك ستاندارتتاعى ءتۇزۋ جىك قۇبىرلاردى نەگىزگە العانىن حابارلادى. الايدا قۇبىرلاردىڭ ءدال وسى ءتۇرى ەلىمىزدە شىعارىلمايدى، تەك الىس جانە تاياۋ شەتەلدەن عانا ەكسپورتتالاتىن بولىپ شىقتى.

«كومپانيا ۇسىنعان جوبالار ءالى ساراپتامادان وتكەن جوق. ساراپتاما الدىنداعى كەزەڭ ۇستىندە. ءبىز قۇراستىرىلىمداردىڭ ساپاسى مەن ونىڭ جارامدىلىعى جونىندە الدىن الا باعا بەرە المايمىز. سوندىقتان بۇل سۇراققا جاۋاپتى كەيىنگە قالدىردىق. ساراپتاما اياقتالىپ، قورىتىندىسى بەلگىلى بولعان سوڭ، ءبىز ءوز باعامىزدى بەرە الامىز»، - دەدى «مەمساراپتامانىڭ» باس مامانى سۆەتلانا يارمۋحامەدوۆا.

«مەمساراپتاما» وكىلدەرى قازاقستاندىق (جەرگىلىكتى) قۇرام ۇلەسىن تەك قۇرىلىستىڭ جوبالاۋىن ازىرلەۋ كەزەڭىندە عانا باقىلاي الاتىندارىن جەتكىزدى.

«كەيىننەن ولار وتاندىق نەمەسە شەتەلدىك ماتەريالدى قولدانعان-قولدانباعانىن تەكسەرە المايمىز. بۇل ءبىزدىڭ قۇزىرەتتىلىگىمىزگە جاتپايدى. ايتا كەتەيىن، 2017 جىلى جوبالاۋ بويىنشا تۇرعىن ءۇي جانە ازاماتتىق ماقساتتاعى قۇرىلىس نىساندارىندا قازقۇرام 80%ء-تى، ينجەنەرلىك-كوممۋنيكاسيالىق جەلىلەرىندە 84%ء-تى، اۋىل شارۋاشىلىعىندا 70%ء-تى، مەكتەپتەردى جوندەۋدە 90%ء-تى قۇرادى»، - دەدى «مەمساراپتاما» رمك وبلىستىق فيليالىنىڭ وندىرىستىك ءبولىمىنىڭ باس مامانى ايبەك وماربەك.

ايتا كەتەيىك، وتاندىق تاۋار وندىرۋشىلەرگە قولداۋ كورسەتۋ شەڭبەرىندە ساتىپ الۋ سالاسىنداعى جۇمىس كوميسسياسىنىڭ وتىرىستارى تالدىقورعان قالاسىندا اپتا سايىن وتكىزىلىپ كەلەدى. كاسىپكەرلەر پالاتاسىنىڭ الاڭىندا اكىمدىكتەر مەن سالالىق باسقارمالاردىڭ ساتىپ الۋ سالاسى بويىنشا جۇمىستاردى تىڭداۋ جوسپارلانعان. وتكەن وتىرىستا ەسكەلدى اۋدانى جانە وبلىستىق ەنەرگەتيكا جانە ءتۇرعىن ءۇي كوممۋنالدىق شارۋاشىلىعى باسقارماسىنىڭ ەسەپتەرى تىڭدالدى.