قازاقستان قىزىل جارتى اي قوعامى مەن بولات وتەمۇراتوۆتىڭ قورى شىعىس قازاقستان وبلىسى اياگوز قالاسىندا سۋ تاسقىنىنان ۇيلەرى قيراپ قالعان جانە زارداپ شەككەن ازاماتتارعا كومەكتەسەدى، دەپ حابارلايدى tengrinews.kz.

سوڭعى مالىمەتتەرگە سايكەس، سۋ تاسقىنىنان 159 ءۇي زارداپ شەككەن، ونىڭ 32ء-سى تولىعىمەن قيراپ قالعان جانە جوندەۋگە كەلمەيدى. 130-دان اسا ادام ءۇيسىز قالدى. ولار № 6 مەكتەپ-ينتەرناتىندا اشىلعان ەۆاكۋاسيالىق پۋنكتىنە ورنالاستى. توتەنشە جاعدايدىڭ اۋقىمدى بولۋىنا بايلانىستى كومەك كورسەتىلۋى ءۇشىن كومەك كارتاسى مەحانيزمى ەنگىزىلدى. زارداپ شەككەندەرگە ForteBank بانكىنىڭ ارنايى كارتالارى شىعارىلدى. وعان بولات وتەمۇراتوۆتىڭ قورى قاراجات جىبەرەدى. 

قازىرگى ۋاقىتتا قىزىل جارتى اي قوعامى ەۆاكۋاسيالىق پۋنكتىنە ورنالاستىرىلعان زارداپ شەككەندەرگە قانشا مولشەردە قاراجات كەرەگىن جانە ءوز ۇينىدە قالىپ نە تۋىستارىن پانا ەتكەن ادامداردىڭ ءتىزىمىن جاساپ جاتىر. 

16 ناۋرىزدا، ناقتى ەسەپتەۋلەر شىعارىلعاننان كەيىن قىزىل جارتى اي قوعامى مەن بولات وتەمۇراتوۆتىڭ قورى زارداپ شەككەندەرگە كومەك كارتاسىن تاپسىرادى. ءبىرىنشى بولىپ ءۇيى تولىعىمەن قيراپ قالعان ازاماتتار الادى. بۇل قاراجات ءبىرىنشى ءارى ەڭ اۋىر داعدارىس كۇندەرىنەن وتۋگە سەپتىگىن تيگىزەدى. 

ەسكە سالايىق، شىعىس قازاقستان وبلىسىندا سۋ باسقان اۋىلدار كۆادروكوپتەرمەن ءتۇسىرىلدى. وبلىس تۇرعىنى يۆان ەگوروۆتىڭ ايتۋىنشا، ۆيدەو وسكەمەننەن 12 شاقىرىم جەردە تۇسىرىلگەن. ۆيدەوداعى كادرلاردان كوشە مەن ۇيلەردىڭ سۋ استىندا قالعانىن كورۋگە بولادى.

"وڭتۇستىك بولىكتە شامامەن 30 ءۇي سۋ استىندا قالدى. ول جاقتا ساياجايىمىز بار، كولىكجاي دا سۋ استىندا قالدى، ءۇيدىڭ ءىشىن دە سۋ باستى. قۇتقارۋشىلار تۇنگى ۋاقىتتا ادامداردى ەۆاكۋاسيالادى. ەكى كولىكتىڭ سۋ استىندا قالعانىن كوردىم. كەشە ءبىراز جاڭبىر جاۋدى، بۇگىن سۋ كەتىپ، مۇز بولىپ جاتىر"، - دەيدى يۆان ەگوروۆ.

ق ر ءىىم توتەنشە جاعدايلار كوميتەتى وكىلدەرىنىڭ مالىمەتىنشە، شىعىس قازاقستان وبلىسىنداعى قۇتقارۋشىلار تاۋلىك بويى جۇمىس ىستەپ جاتىر.

"قازىرگى ۋاقىتتا 15 مىڭ تەكشە مەتر سۋ تارتىلدى. ءورت سوندىرۋشىلەر مەن قۇتقارۋشىلار جۇمىس ىستەپ جاتىر. ولار سۋدى موتوپومپ پەن ينەرتتى ماتەريالدارمەن تارتىپ جاتىر. (...) 112 نومىرىنە ءالى دە قوڭىراۋلار كەلىپ جاتىر. سوڭعى 24 ساعاتتا شامامەن 3 000 قوڭىراۋ كەلىپ ءتۇستى. ءاربىر قوڭىراۋ بويىنشا جەدەل شتاب وكىلدەرى اينالىسىپ جاتىر"، - دەپ حابارلادى ۆەدومستۆو وكىلدەرى.