ۆلاديمير پۋتين بارلىق رەسەيلىكتەردى 18 ناۋرىزدا وتەتىن پرەزيدەنتتىك سايلاۋعا قاتىسۋعا شاقىردى دەپ حابارلايدى ريا نوۆوستي.
"رف كونستيتۋسياسى بويىنشا ەلدەگى جالعىز بيلىك كوزى ول — حالىق. كەز كەلگەن ادام تاڭداۋدى ءوزى جاسايدى، ءبىزدىڭ مەملەكەتتە ءارۋاقىتتا سولاي بولعان. رەسەيدىڭ بولاشاعى ءاربىر رەسەيلىكتىڭ قولىندا"،-دەدى پرەزيدەنت.
ونىڭ ايتۋىنشا، پرەزيدەنتتىك سايلاۋ كەزىندە اركىم ءوزى لايىقتى دەپ تاڭداعان ادامعا داۋىس بەرۋگە قۇقىلى.
"الايدا ەگەر ءسىز داۋىس بەرمەيتىن بولساڭىز، ءسىزدىڭ كوزقاراسىڭىز ەسكەرىلمەيدى"،-دەدى ول.
ەسكە سالساق، رف پرەزيدەنتتىگىنە سايلاۋ وسى جەكسەنبىدە وتەدى. پرەزيدەنتتىك سايلاۋدىڭ ۇمىتكەرلەرى: سەرگەي بابۋرين، پاۆەل گرۋدينين، ۆلاديمير جيرينوۆسكيي، ۆلاديمير پۋتين، كسەنيا سوبچاك، ماكسيم سۋرايكين، بوريس تيتوۆ، گريگوريي ياۆلينسكيي.
