فرانسيانىڭ ەكس-باسشىسى نيكوليا ساركوزي سايلاۋالدى ناۋقانىن ليۆيا ۇكىمەتى قارجىلاندىردى دەگەن كۇدىكپەن ۇستالدى دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساي وتىرىپ.
فرانسيادا بۇرىنعى پرەزيدەنت نيكوليا ساركوزي ۇستالدى. فرانسۋز باسىلىمى دەرەككوزگە سىلتەمە جاساي وتىرىپ ەكس-پرەزيدەنتتىڭ ءپاريجدىڭ ماڭىندا اباقتىعا قامالعانىن حابارلادى.
ساركوزيدىڭ 2007 جىلعى پرەزيدەنت سايلاۋىنداعى ناۋقانىن ليۆيا قارجىلاندىرۋى مۇمكىن دەگەن كۇدىك بار. وسى ءىستىڭ اياسىندا ەكس-پرەزيدەنت ۇستالدى. ول 48 ساعاتقا قاماۋعا الىندى.
ايتا كەتەيىك، 2012 جىلى Mediapart باسىلىمى ساركوزيدىڭ پرەزيدەنتتىك ناۋقانىنا قاجەت 50 ميلليون ەۋرونى ليۆيا بيلىگى بەرگەنىن راستايتىن قۇجاتتاردى جاريالاعان بولاتىن. بۇل ءىس بويىنشا تەرگەۋ جۇمىستارى جالعاسۋدا.
