ق ر پرەمەر-مينيسترى باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا ۇلتتىق ەكونوميكا ءمينيسترى تيمۋر سۇلەيمەنوۆ اگروونەركاسىپتىك كەشەندى دامىتۋدىڭ مەملەكەتتىك باعدارلاماسىنىڭ 2017 جىلى ورىندالۋىنا جۇرگىزىلگەن مونيتورينگ قورىتىندىسى تۋرالى باياندادى، دەپ حابارلايدى Qamshy.kz اقپارات اگەنتتىگى. 

ق ر ۇلتتىق ەكونوميكا مينيسترلىگى بيىل مەملەكەتتىك جوسپارلاۋ جۇيەسىنە سايكەس ق ر اگروونەركاسىپتىك كەشەنىن دامىتۋدىڭ 2017–2021 جىلدارعا ارنالعان مەملەكەتتىك باعدارلاماسىنىڭ ورىندالۋ بارىسىنا مونيتورينگ جۇرگىزدى. جالپى العاندا، 7 ماقساتتى ينديكاتورعا، 64 ناتيجەلەر كورسەتكىشىنە قول جەتكىزۋ، 95 ءىس-شارانى جۇزەگە اسىرۋ جوسپارلانعان. 2017 جىلدىڭ قورىتىندىسى بويىنشا 7 ماقساتتى ينديكاتوردىڭ 6-نا قول جەتكىزىلدى.

ماسەلەن، ماڭىزدى ينديكاتورلاردىڭ ءبىرى — ازىق-تۇلىك ەكسپورتىنىڭ كولەمىن ۇلعايتۋدى قامتاماسىز ەتۋ. ت. سۇلەيمەنوۆ اتاپ وتكەندەي، ازىق-تۇلىك تاۋارلارىن ەكسپورتتاۋ جوسپارى — $920 ملن بولسا، ناقتى ورىندالۋ كولەمى $1 ملرد استى.

جوسپارلانعان ناتيجەلەردىڭ 64 كورسەتكىشىنەن 47 كورسەتكىش نەمەسە 73،4% ورىندالدى. 95 جوسپارلانعان ءىس-شارانىڭ 65ء-ى (68%) ىسكە اسىرىلدى. قالعاندارى ىسكە اسىرىلۋ ساتىسىندا.

«جالپى، مەملەكەتتىك باعدارلامانى ىسكە اسىرۋدىڭ ءبىرىنشى جىلىنىڭ قورىتىندىسى بويىنشا نەگىزگى ماكروكورسەتكىشتەرگە قول جەتكىزىلۋىنە بايلانىستى وڭ ناتيجە كورسەتىلدى»، — دەدى ت. سۇلەيمەنوۆ.

ماسەلەنى تالقىلاۋ بارىسىندا جامبىل وبلىسىنىڭ اكىمى ا. مىرزاحمەتوۆ، قىزىلوردا وبلىسىنىڭ اكىمى ق. كوشەربايەۆ، «قازاگرو» ۇبح» اق باسقارما ءتوراعاسى ن. مالەلوۆ ءسوز سويلەدى.