اۋعانستاننىڭ باتىسىندا ورنالاسقان گەرات قالاسىنداعى مەشىتتە جارىلىس بولدى. سالدارىنان ءبىر ادام قازا تاۋىپ، تاعى سەگىزى جارالانعان. بۇل تۋرالى افگانيستان.رۋ حابارلايدى.
مالەمەتتەرگە سۇيەنسەك، ەكى سودىر مەشىتكە كۇندىزگى ناماز ۋاقىتىندا كىرگەن. لاڭكەستەردىڭ ءبىرى ۇستىنە بايلانعان جارىلعىش زاتتى ىسكە قوسقان. ءبىر سودىردى پوليسيا وقيعا ورنىندا اتقان.
شابۋىلدى «يراك جانە ليەۆانت» لاڭكەستىك توبى موينىنا الدى. جارىلىستان زارداپ شەكككەندەردىڭ بارلىعى ءقازىر اۋرۋحانادا. مامانداردىڭ ايتۋىنشا، ولاردىڭ كوپشىلىگى اۋىر حالدە جاتىر. سونداي-اق قازا تاپقانداردىڭ سانى ءالى دە ارتۋى مۇمكىن. ءقازىر وسى قايعىلى وقيعاعا بايلانىستى تەرگەۋ ءجۇرىپ جاتىر.
