بۇگىنگى ۇكىمەت ساعاتىندا ۇلتتىق ەكونوميكا ءمينيسترى تيمۋر سۇلەيمەنوۆ جەكەشەلەندىرۋدىڭ ەكىنشى تولقىنىنىڭ نەگىزگى ەرەكشەلىگىنە توقتالىپ ءوتتى، دەپ حابارلايدى Qamshy.kz اقپارات اگەنتتىگى.

ءمينيستردىڭ ايتۋىنشا، زاماناۋي تەحنولوگيالاردى پايدالانۋ – جەكەشەلەندىرۋدىڭ ەكىنشى تولقىنىنا ءتان ەرەكشەلىك. قازىرگى تەحنولوگيالاردى پايدالانا وتىرىپ، جەكەشەلەندىرۋ ماسەلەسىندە ۋاقىتتى ۇنەمدەۋ ءۇشىن ەلەكتروندى فورماتتا ساۋدا-ساتتىق جۇرگىزۋ تۋرالى نورمالار ەنگىزىلگەن. ق ر ۇلتتىق ەكونوميكا ءمينيسترى مۇنداي ساۋدا-ساتتىق ءتۇرىنىڭ ۋاقىتتى ۇنەمدەپ، پايدالانۋشىلار ءۇشىن ىڭعايلى بولاتىنىن جانە ساۋدا-ساتتىقتا «ادامي فاكتورلاردى» تولىعىمەن جوياتىنىن ايتتى.

«مەملەكەتتىك مەنشىك ءتىزىلىمىنىڭ ۆەب-پورتالىندا (gosreestr.kz) ەلەكتروندى فورماتتا ساۋدا-ساتتىق جۇرگىزۋ تۋرالى نورما ەنگىزىلدى. ساتۋشىلار مەن ساتىپ الۋشىلار ءۇشىن «ءبىر تەرەزە» قاعيداتى بويىنشا ساۋدا-ساتتىقتى جۇرگىزۋ جەكەشەلەندىرۋ وبەكتىلەرىن ساتۋ كەزىندە اشىقتىقتى، جاريالىلىقتى قامتاماسىز ەتەدى. ۆەب-پورتال تىركەۋشى ورگانداردىڭ بازالارىمەن بىرىكتىرىلگەن.

ءبىرىڭعاي ساۋدا الاڭى جالپىعا قولجەتىمدى جانە تەك قاتىسۋشى عانا ەمەس، كەز كەلگەن نيەت ءبىلدىرۋشى دە جەكەشەلەندىرۋ وبەكتىلەرىنىڭ تىزبەسىمەن تانىسىپ، ساۋدا-ساتتىق قورىتىندىلارىن، باعالاردى، كەلەشەك جوسپارلاردى، ساتىلاتىن وبەكتىلەردىڭ سيپاتتامالارى مەن ەسەبىن قاراي الادى. سونداي-اق Android جانە IOS-قا ءموبيلدى قوسىمشالار ازىرلەنىپ، كولل-ورتالىق جۇمىس ىستەۋدە»، - دەپ مالىمدەدى مينيستر سۇلەيمەنوۆ.