كازگيدرومەت 31 ناۋرىز – 2 ءساۋىر كۇندەرى ارالىعىنا ارنالعان اۋا رايى بولجامىن ۇسىندى، دەپ حابارلايدى Qamshy.kz اقپارات اگەنتتىگى.

سينوپتيكتەردىڭ ايتۋىنشا، دەمالىس كۇندەرى قازاقستانداعى اۋا رايىنا كاسپييدىڭ وڭتۇستىگىنەن كەلەتىن سيكلوننىڭ ىقپالى باسىم بولادى. سيكلونعا بايلانىستى وڭتۇستىكتە جاڭبىر جاۋىپ، كەي جەرلەردە نوسەرلەتەدى، نايزاعاي ويناپ، جەلدىڭ ەكپىنى سەكۋندىنا 18-25 مەترگە جەتەدى.

سولتۇستىك جانە شىعىس وبلىستاردا سيكلوننىڭ ىعىسۋىنا بايلانىستى جاۋىن-شاشىن بولادى، كوبىنە قار جاۋادى. كەي جەرلەردە بوران سوعىپ، جەلدىڭ جىلدامدىعى 18-25 م/س-قا ارتادى.

قازاقستاننىڭ باتىس وبلىستارىنا رەسەيدىڭ ەۋروپالىق بولىگىنىڭ ورتالىق اۋداندارىنان انتيسيكلون جىلجىپ كەلەدى. سوعان بايلانىستى اۋا تەمپەراتۋراسى جوعارىلاپ، كۇن جاۋىن-شاشىنسىز بولادى.