29 ناۋرىزدا باس پروكۋراتۋرانىڭ ىشكى تەرگەۋ دەپارتامەنتى قىزمەتكەرلەرىمەن جامبىل وبلىسى پروكۋرورىنىڭ اعا كومەكشىسى د. ءابدىحالىق جانە بۇرىن سوتتى بولعان ا. وتەشبايەۆ ۇستالدى، دەپ حابارلايدى Qamshy.kz اقپارات اگەنتتىگى ق ر باس پروكۋراتۋراسىنىڭ باسپا ءسوز قىزمەتىنە سىلتەمە جاساپ.  

د.ءابدىحالىق 1،2 ملن تەڭگە مولشەرىندەگى پارانى  ا. وتەشبايەۆ ارقىلى الۋعا وقتالعانى ءۇشىن كۇدىكتى. 

اقشالاي قاراجات تاراز قالاسىنداعى جد-158/2 مەكەمەسىندە جازاسىن وتەپ جاتقان سوتتالعاندى قاۋىپسىزدىگى بارىنشا تومەن مەكەمەگە اۋىستىرۋ (قونىس كولونياسى) ماسەلەسىن شەشۋ ءۇشىن بەرىلمەك بولعان.

قازىرگى تاڭدا ەكەۋى دە ۇستالىپ، تاراز قالاسىنداعى ءىىب-نىڭ ۋاقىتشا ۇستاۋ يزولياتورىنا جەتكىزىلدى.

ءىس بويىنشا ءتيىستى تەرگەۋ جۇمىستارى جۇرگىزىلۋدە.

قوسىمشا اقپارات تەرگەۋگە بايلانىستى جاريا ەتىلمەيدى.