2017 جىلى الماتىدا قالالىق بيۋدجەتتەن تابيعاتتى قورعاۋ شارالارىنا 6 ملرد 545 ملن 882 مىڭ تەڭگە بولىنگەن، دەپ جازادى Qamshy.kz اقپارات اگەنتتىگى.

بۇل تۋرالى الماتى قالاسى وڭىرلىك كومۋنيكاسيالار قىزمەتىندە الماتى قالاسى بويىنشا ەكولوگيا دەپارتامەنتىنىڭ باسشىسى ورمان اقكوزييەۆ مالىمدەدى.

قازاقستان رەسپۋبليكاسى پرەزيدەنتىنىڭ جولداۋىندا كەشەندى اقپاراتتىق-تەحنولوگيالىق پلاتفورمانى ەنگىزۋ حالىقارالىق وزىق تاجىريبەلەردىڭ شىنايىلىعىن ەسكەرە وتىرىپ، قازاقستان رەسپۋبليكاسىنىڭ ەكونوميكاسىن دامىتۋدا جەدەل قارقىنىنىڭ جانە حالىقتىڭ ءومىر ساپاسىن جاقسارتۋدىڭ باسىمدىقتارىنىڭ ءبىرى رەتىندە قاراستىرىلۋدا. وسىعان بايلانىستى، مەملەكەتتىك بيلىكتىڭ، بيزنەس جانە حالىقتىڭ بارلىق دەڭگەيىندە ەكولوگيالىق قاۋىپسىزدىك، مونيتورينگ جانە قورشاعان ورتا جاعدايى مەن رەسۋرستاردى پايدالانۋ تۇراقتىلىعىن باقىلاۋدا تالاپتار كۇشەيۋدە.

- تابيعات قورعاۋ ءىس-شارالارىنىڭ تالاپتارىن ساقتاۋ مەن ورىنداۋدا وڭ ءۇردىس بايقالادى. 2017 جىلى قالالىق بيۋدجەتتەن تابيعات قورعاۋ شارالارىنا 6 ملرد 545 ملن 882 مىڭ تەڭگە ءبولىندى. قالالىق بيۋدجەتتەن قارجىلاندىرىلاتىن ءىس-شارالاردان بولەك، 2017 جىلى قالا كاسىپورىندارى ءوز قاراجاتى ەسەبىنەن 2 ملرد 830 ملن تەڭگەدەن استام كولەمدە تابيعات قورعاۋ شارالارىن قارجى جوسپارلاعان. 3 ملرد 360 ملن 257 مىڭ تەڭگەگە قورشاعان ورتانى قورعاۋ شارالارى ورىندالدى. سونداي-اق، 2017 جىلى تابيعات پايدالانۋشىلار قورشاعان ورتاعا ەميسسيالار ءۇشىن 2017 جىلى 1 263 ملن تەڭگە، ال 2016 جىلى 1 161 ملن تەڭگە كولەمىندە تولەمدەر جۇرگىزگەن، - دەپ ءسوزىن تولىقتىردى و.اقكوزييەۆ.