ادەپتەن وزباسا، اراب ايەلدەرى كەز كەلگەن كيىم ۇلگىسىندە كيىنە الادى.
ساۋد ارابياسىنىڭ حانزاداسى مۇحاممەد يبن سالمان ءال ساۋد امىرلىكتەگى ايەلدەر وزدەرىن ەركىن سەزىنۋ ءۇشىن ءتۇرلى جاعداي جاساۋدا.
بۇدان بۇرىن CBS تەلەارناسىنا بەرگەن سۇحباتىندا مونارح مەملەكەتتە قارا نيقابتان وزگە دە كيىمدەرگە رۇقسات ەتىلگەنىن ەسكەرتكەن. ونىڭ ويىنشا، ايەلدەردىڭ ءبارى بەت-الپەتىن جاۋىپ جۇرۋگە مىندەتتى ەمەس.
«شاريعات زاڭى بويىنشا ايەلدەرمەن قوسا ەر ادامدار دا قاراپايىم ءارى ۇستامدى كيىنۋى كەرەك. ول مىندەتتى تۇردە نيقاب بولۋى ءتيىس دەگەن ءسوز ەمەس»، - دەگەن ەدى حانزادا.
حانزادانىڭ ايتۋىنشا، كيىم ۇلگىسىن تاڭداۋ ايەلدىڭ ءوز ەركىنە بەرىلدى، تەك ادەپتەن وزباسا بولعنى.
ايتا كەتەيىك، مۇحاممەد يبن سالمان ءال ساۋد وزگە حانزادالاردان ليبەرالدى كوزقاراسىمەن ەرەكشەلەنەدى. ايەلدەرگە سپورتتىق شارالار مەن كولىك ايداۋعا دا رۇقسات بەرگەن ءدال وسى حانزادا بولعان.
پىكىر قالدىرۋ