ازەربايجان پرەزيدەنتى سايلاۋىندا قازىرگى پرەزيدەنت يلحام الييەۆ الدا كەلەدى. ەكزيت-پوللدىڭ مالىمەتى بويىنشا، الييەۆ سايلاۋشىلاردىڭ 86 پايىز داۋىسىن العان.
الدىن الا مالىمەت بويىنشا، سايلاۋعا 70 پايىز ادام قاتىسقان.
ەل وپپوزيسياسى سايلاۋعا بويكوت جاريالادى. سەبەبى كونستيتۋسياعا سايكەس، سايلاۋ جارتى جىلدان كەيىن ءوتۋى ءتيىس بولعان. وپپوزيسيا وكىلدەرى سايلاۋ مەرزىمىن اۋىستىرۋ ارقىلى پرەزيدەنتكە ناعىز باسەكەلەستەردى حالىقپەن كەزدەسۋگە كەدەرگى كەلتىردى دەپ ەسەپتەيدى.
2016 جىلى ازەربايجاندا كونستيتۋسياعا وزگەرىستەر ەنگىزۋ جونىندە رەفەرەندۋم ءوتتى. پرەزيدەنت مەرزىمىن بەس جىلدان جەتى جىلعا دەيىن ۇزارتتى. قازىرگى پرەزيدەنت بۇرىنعى پرەزيدەنت گەيدار الييەۆتىڭ ۇلى. يلحام الييەۆ اكەسىنىڭ مۇراگەرى بولىپ، تاقتا 15 جىلدان بەرى وتىر.
پىكىر قالدىرۋ