2013 جىلى قىتايدا وتباسىلىق جۇپ جاساندى ۇرىقتاندىرۋ ارقىلى بالالى بولۋدى كوزدەپ، بىرنەشە ەمبريوندى ساقتاپ قويعان.

كولىك اپاتىنان كەيىن قايتىس بولعان جۇپتىڭ اتا-انالارى ەمبريونداردى قولدانۋعا رۇقسات الۋ ءۇشىن سوتقا ارىزدانىپ، سوتتا جەڭىپ شىققان.

جەلتوقساندا بالانى سۋرروگات انا دۇنيەگە اكەلدى. ول – لاوس تۇرعىنى.

كولىك اپاتى كەزىندە ەمبريوندار نانكين قالاسىندا مينۋس 196 گرادۋستا سۇيىق ازوتپەن ساقتالعان.

ۇزاق ۋاقىتقا سوزىلعان تەكسەرۋ جۇمىستارىنان كەيىن، سوت اپاتتا مەرت بولعان جۇپتىڭ اتا-اناسىنا ەمبريونداردى بەرۋ تۋرالى شەشىم شىعاردى.

جەرگىلىكتى باق-تىڭ مالىمەتىنشە، قىتايدا بۇرىن-سوڭدى اتا-انا ءوز بالالارىنىڭ ەمبريوندارىن پايدالانۋعا رۇقسات الماعان.

قىتايدا سۋرروگات انا بولۋعا زاڭمەن تىيىم سالىنعاندىقتان بالانىڭ اجەلەرى مەن اتالارى شەتەلگە شىعۋعا ءماجبۇر بولعان. ولار لاوستاعى سۋرروگات انالاردىڭ قىزمەتىن ۇسىناتىن اگەنتتىككە جۇگىنگەن.

2017 جىلى جەلتوقساندا تيانتيان ەسىمدى بالا دۇنيەگە كەلگەن.