پاكىستاندا 24 جاستاعى سامينا سامۋن ەسىمدى جاس ءانشىنى كونسەرت كەزىندە بيلەۋدەن باس تارتقانى ءۇشىن اتىپ ولتىرگەن. قايعىلى جاعدايدىڭ ۆيدەوسىن The Independent باسىلىمى جاريالاعان دەپ حابارلايدى Qamshy.kz اقپارات اگەنتتىگى.
بەلگىلى بولعانداي، ءانشىنى ولتىرگەن قىلمىسكەردى پوليسيا ۇستاعان. كۋاگەرلەردىڭ سوزىنە قاراعاندا، ەر ادام قىزعا تاپانشا تاقاپ، وتىرىپ ءان ايتۋدىڭ ورنىنا، تۇرىپ بيلەۋدى تالاپ ەتكەن. سامۋن ورىنان تۇرىپ ءان ايتقان، الايدا بيلەۋدەن باس تارتقان كورىنەدى. سول ساتتە قىلمىسكەر ونى اتىپ جىبەرگەن.
وقيعا پاكىستاندىق لاركانا قالاسىندا بولعان. سامۋن تويعا شاقىرىلعان ءانشى رەتىندە ونەر كورسەتكەن. سونىمەن قوسا، ءانشىنىڭ اياعى اۋىر بولعان ەكەن.
پىكىر قالدىرۋ