تانىمال قازاقستاندىق كاسىپكەر قايرات قۇدايبەرگەن مۇحتار شاحانوۆقا كومەكتەسەتىنىن ايتتى دەپ جازادى Qamshy.kz اقپارات اگەنتتىگى. بۇل تۋرالى ول ءوزىنىڭ ينستاگرام پاراقشاسىنا جاريالادى.
ەسكە سالا كەتسەك، مۇحتار شاحانوۆ بەلگىلى جۋرناليست امان تاسىعانعا سۇحبات بەرگەن بولاتىن. اتالعان سۇحباتتا تانىمال اقىن تالاي شىندىقتى ايتتى. سونىمەن بىرگە اقىن ءوزىنىڭ بىرنەشە اي جالاقى الا الماي، پاتەر اقىسىن تولەي الماي جۇرگەنىن دە جاسىرمادى.
«مۇحتار شاحانوۆ اعامىزبەن بولعان وقيعا باسىما سىيمايدى... بۇل كىسى جاي تۇلعا ەمەس، ەل سۇيەر ناعىز پاتريوت! مۇحتار اعامىزدىڭ ولەڭدەرىن وقىپ تامساناتىنبىز. ونىڭ ەلگە، جەرگە دەگەن سۇيىسپەنشىلىگى بىزگە ونەگە بولدى.
قانشا باسقالاردىڭ اۋىزىنان شىقپاعان اششى شىندىقتى ايتىپ ساياساتتا قوتىر يتتەي بولعان، ءبىراق ەل نامىسىن جەرگە تاستاماعان!
وسىنداي ۇلى دالانىڭ قالام ۇستاعان باتىرى، داناسى بۇنداي احۋالعا قالاي جەتكەنى مەن ءۇشىن بەيمالىم، ءبىراق مۇحتار اعامىزدىڭ ولەڭدەرىن وقىپ ەلدەن شىققان قازاعىمنىڭ قارا دومالاعى بولعان سوڭ، ول كىسىگە كىشىگىرىم كومەك بەرۋ مەن ءۇشىن ۇلكەن قۇرمەت!
قوسىلاتىن ادام بولسا، ءبىر جاعادان باس بولىپ، ءبىر جەڭنەن قول شىعارىپ بىرگە كومەك بەرەيىك اعايىن!»، دەپ جازادى قايرات قۇدايبەرگەن.
پىكىر قالدىرۋ