بەلسەندى تالعات اياننىڭ (ايانوۆ) جازاسى جەڭىلدەتىلدى، - دەپ حابارلايدى Tengrinews.kz. اقتوبە قالالىق № 2 سوتى تالعات ايانوۆتىڭ باس بوستاندىعىنان ايىرۋ ۇكىمىنىڭ وتەلمەگەن جازاسىن باس بوستاندىعىن شەكتەۋ جازاسىنا الماستىرۋ ارىزىن قاراستىردى. 

"سوتقا ارىز بەرىلگەن 2018 جىلى 15 ناۋرىزدا ت.ت. ايانوۆ ق ر قىلمىستىق كودەكسىنىڭ 73-بابى 2-بولىگى بويىنشا كەسىلگەن جازانىڭ ۇشتەن ءبىر بولىگىن وتەگەن. ءتارتىبى دۇرىس، جازاسىن وتەۋ بارىسىندا بەكىتىلگەن ءتارتىپتى بۇزباعان، تارتىپتىك شارالارعا تارتىلماعان، قايتا جاقسى جاقتارىمەن كورىنگەن تۇستارى بولعان. ول ەڭبەك پەن وتكىزىلگەن شارالارعا بەلسەندى تۇردە قاتىناسقان، ءتارتىبى ءبىرىنشى دەڭگەيلى جاقسى دەگەن باعا بەرلىگەن، جازاسىن وتەۋ جەڭىلدەتىلگەن شارت بويىنشا وتەگەن. اقتوبە قالالىق № 2 سوتى 2018 جىلى 13 ساۋىردە سوتتالۋشىنىڭ ارىزىن قاناعاتتاندىردى"، - دەلىنگەن سوت باسپا ءسوز قىزمەتىنىڭ حابارلاماسىندا. 

سوت مالىمەتىنشە، تالعات اياننىڭ وتەلمەگەن مەرزىمى (ءۇش جىل ءبىر اي جانە 16 كۇن) باس بوستاندىعى شەكتەلۋ جازاسىنا اۋىستىرىلىپ، پروباسيونالدىق باقىلاۋدا بولادى. 

2016 جىلى اتىراۋ قالالىق № 2 سوتى تالعات اياندى ق ر قىلمىستىق كودەكسىنىڭ بىرنەشە باپتارى بويىنشا "الەۋمەتتiك، ۇلتتىق، رۋلىق، ءناسiلدiك، تەكتىك-توپتىق نەمەسە دiني الاۋىزدىقتى قوزدىرۋ"، "كورىنەۋ جالعان اقپارات تاراتۋ" جانە "زاڭسىز جينالىس، ميتينگ، شەرۋ، پيكەت، دەمونستراسيا نەمەسە وزگە دە زاڭسىز جاريا ءىس-شارا ۇيىمداستىرۋ، وتكىزۋ نە ولارعا قاتىسۋ، سول سياقتى ءۇي-جاي، بايلانىس قۇرالدارىن، جابدىقتار، كولىك بەرۋ ارقىلى وسىنداي ءىس-شارالاردى ۇيىمداستىرۋعا نەمەسە وتكىزۋگە جاردەم كورسەتۋ، ەگەر بۇل ىس-ارەكەتتەر ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرiنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلi زيان كەلتiرۋ" بويىنشا سوتتالعان. 

تالعات ايان مەن تاعى ءبىر بەلسەندى ماكس بوقايەۆ جالپى رەجيمدەگى كولونيادا وتەۋگە بەس جىلعا سوتتالعان.