ساۋد ارابياسى قاۋىپسىزدىك قىزمەتىنىڭ رەسمي وكىلى ەر-ريادتاعى پاتشا سارايىندا وق اتىلعانىن راستادى، دەپ حابارلايدى Qamshy.kz اقپارات اگەنتتىگى.
ونىڭ ايتۋىنشا، كۇزەتشىلەر ۇشقىشسىز ۇشۋ اپپاراتىن اتىپ تۇسىرگەن. سەبەبى ويىنشىق درون كورول رەزيدەنسياسىنىڭ اۋماعىنا كىرىپ كەتكەن.
مەملەكەتتىك توڭكەرىس جاسالماق بولدى دەگەن قاۋەسەتتى ساۋد بيلىگى جوققا شىعاردى.
بۇعان دەيىن جەلىدە تاراعان ۆيدەولاردا ەر-ريادتاعى پاتشا سارايىندا اتىلعان وقتىڭ داۋىسى انىق ەستىلەدى.
ءبىرقاتار اقپارات قۇرالدارى ساۋد ارابياسىندا مەملەكەتتىك توڭكەرىس جاسالىپ جاتقانىن جارىسا جازدى.
Pakistan Today باسىلىمى ساۋد ارابياسى كورولىنىڭ اسكەري بازاداعى بۋنكەرگە جاسىرىنعانىن حابارلادى.
Associated Pressء-تىڭ مالىمەتىنە سەنسەك، مەملەكەتتىك توڭكەرىس وپەراسياسىن ساۋد ارابياسى قۇرلىق اسكەرىنىڭ گەنەرال-لەيتەنانتى اللۋكاس نەپيلس باسقارعان.
